मुंबई (वार्ताहर) : रविवारी दुपारी होणाऱ्या पहिल्या सामन्यात दिल्ली कॅपिटल्स आणि लखनऊ सुपर जायंट्स दुसऱ्यांदा आमने-सामने उभे ठाकणार असून लखनऊ सुपर जायंट्सविरुद्ध लढण्यासाठी दिल्ली कॅपिटल्स सज्ज आहे. दिल्ली कॅपिटल्सने आतापर्यंत चार सामने जिंकले असून तेवढेच सामने त्यांनी गमावले आहेत आणि गुणतालिकेत ते सहाव्या स्थानी आहेत.
याउलट लखनऊने खूप चांगली कामगिरी केली आहे आणि सहा विजय मिळवून १२ गुणांसह ते तिसऱ्या स्थानावर आहेत. मोसमाच्या सुरुवातीच्या सामन्यात लखनऊने दिल्लीवर सहा गडी राखून विजय मिळवला होता. त्यामुळे या पराभवाचा बदला घेण्यासाठी दिल्ली आतुर असल्याने दोन्ही संघांतील हा सामना अटीतटीचा होण्याची शक्यता आहे.
तसेच दोन्ही संघांनी आपापल्या मागील सामन्यात विजय मिळवला असल्याने त्यांचा आत्मविश्वास उंचावलेला आहे. दिल्ली कॅपिटल्ससाठी डेव्हिड वॉर्नर, पृथ्वी शॉ, कर्णधार ऋषभ पंत आणि मुस्तफिजुर रहमान, तर लखनऊ सुपर जायंट्ससाठी, सलामीवीर क्विंटन डी कॉक आणि केएल राहुल तसेच रवी बिश्नोई महत्त्वाचे खेळाडू असतील.
केएल राहुल या हंगामात स्पर्धेत सर्वाधिक धावा करण्याच्या यादीत दुसऱ्या स्थानावर आहे तसेच कुलदीप यादवने मागील सामन्यात तीन षटकांत चार विकेट्स घेतल्याने कुलदीप आणि मार्कस स्टॉइनिस तसेच, दुष्मंथा चमीरा आणि डेव्हिड वॉर्नर यांच्यातील द्वंद्वयुद्धही पाहण्यासारखे असेल. दिल्ली कॅपिटल्सची बाजू चेतन साकारियाच्या समावेशामुळे मजबूत झाली आहे, तर लखनऊला मोहसीन खानच्या समावेशामुळे मोठा फायदा झाला आहे.
ठिकाण : वानखेडे स्टेडियम, वेळ : दुपारी ३.३०
हैदराबाद: इंडियन प्रीमियर लीग २०२५मधील ४१व्या सामन्यात आज २३ एप्रिलला मुंबई इंडियन्स संघाने सनरायजर्स हैदराबादला…
नवी दिल्ली: जम्मू-काश्मीरच्या पहलगाम येथे २२ एप्रिल २०२५ला झालेल्या दहशतवादी हल्ल्यानंतर पंतप्रधान नरेंद्र मोदींच्या अध्यक्षतेखाली…
निर्बीजीकरण केंद्र उभारण्याचा प्रस्ताव विचाराधीन - वन मंत्री गणेश नाईक मुंबई : कोकणातील फळबागा आणि…
गागोदे खुर्द अनुसूचित जातीसाठी, १४ ग्रामपंचायतीत आदिवासी सरपंच पेण (वार्ताहर) : पेण तालुक्यातील ६४ ग्रामपंचायत…
राजनाथ सिंह यांची दिल्लीत उच्चस्तरीय बैठक; तिन्ही दलांच्या प्रमुखांची उपस्थिती नवी दिल्ली : मंगळवारी जम्मू-काश्मीरमधील…
मुंबई: इंडियन प्रीमियर लीग २०२५मध्ये आज मुंबई इंडियन्स आणि सनरायजर्स हैदराबाद यांच्यात सामना रंगतोय. मात्र…