मुंबई (प्रतिनिधी) : नाशिकच्या महाराष्ट्र आरोग्य विज्ञान विद्यापीठाच्या वतीने सध्या वैद्यकीय अभ्यासक्रमाच्या हिवाळी परीक्षा सुरू आहेत. या परीक्षेत एमबीबीएसच्या द्वितीय वर्ष अभ्यासक्रमाच्या मायक्रोबायलॉजी विषयाचा शुक्रवारी दुपारच्या सत्रात पेपर घेण्यात आला.
लातूर येथील विलासराव देशमुख शासकीय वैद्यकीय महाविद्यालयाच्या विद्यार्थ्यांच्या हातात हा पेपर पडल्यानंतर त्यांना धक्का बसला. याचं कारण म्हणजे हा पेपर अगदी जसाच्या तसा नोव्हेंबरमध्ये महाविद्यालयात घेण्यात आलेल्या सराव परीक्षेत आला होता. यामुळे खरेतर चार महिन्यांपूर्वीच हा पेपर फुटला होता हे सिद्ध झाले आहे.
मायक्रोबायोलॉजी या विषयाचा पेपर तयार करण्याची जबाबदारी महाविद्यालयातील संबंधित प्राधापकांना दिली होती. मात्र, प्राध्यापकांकडूनच हा प्रकार घडल्याची माहिती समोर आली आहे. तरी, तात्पुरती ही परीक्षा रद्द करण्यात आली असून या संदर्भात विद्यापीठाने घडलेल्या प्रकाराबाबत चौकशीचे आदेश दिले आहेत. विद्यापीठाच्या वतीने एमबीबीएस (२०१९) द्वितीय वर्ष अभ्यासक्रमाच्या मायक्रोबायलॉजी – १ या विषयाची शंभर गुणांची लेखी परीक्षा शुक्रवारी दुपारच्या सत्रात अडीच ते साडेपाच दरम्यान राज्यातील ४१ केंद्रांवर घेण्यात आली होती. या परीक्षेला सहा हजारांहून अधिक विद्यार्थ्यांनी उपस्थिती होती.
विद्यापीठाला या प्रकरणाची माहिती मिळाल्यानंतर परीक्षा मंडळाने याची गंभीर दखल घेत बैठक घेण्यात आली. बैठकीत या विषयाचा पेपर रद्द करण्याचा निर्णय घेण्यात आला. तरी, या विषयाची फेरपरीक्षा २६ मार्चला सकाळी साडेदहा ते दुपारी दीड या वेळेत घेण्याचा निर्णय मंडळाने घेतला आहे, याबाबत लातूर येथील वैद्यकीय महाविद्यालयाच्या प्रशासनाकडून कोणतीही प्रतिक्रिया समोर आली नाही.
प्रश्नपत्रिका तयार करतानाच घेणार 'ही' खास काळजी मुंबई : NEET PG परीक्षा रद्द झाल्यानंतर जवळपास…
यांचा वारीतला सहभाग केवळ राजकीय फायद्यासाठी भाजपाच्या माजी खासदारांची विरोधकांवर बोचरी टीका सोलापूर : आषाढी…
आमदार नितेश राणे यांचा रोहित पवारांना अप्रत्यक्ष टोला कोणाची बुद्धी लहान याबाबत राहुल गांधी आणि…
भोलेबाबा करायचा दुधाची अंघोळ; खीर बनवून वाटला जायचा प्रसाद लखनऊ : काही दिवसांपूर्वी उत्तर प्रदेशच्या…
गुंडांच्या साथीने पुण्यात डॉक्टरचे भयानक कृत्य पुणे : पुण्यात सातत्याने चित्रविचित्र गुन्हेगारीच्या घटना (Pune Crime)…
बालहक्क मंडळाकडे वकिलांमार्फत केला सादर पुणे : पुण्यातील कल्याणीनगर भागात एका अल्पवयीन मुलाने मद्यधुंद अवस्थेत…