चन्नी चमकौर साहिब येथून तर सिद्धू अमृतसर येथून निवडणूक लढणार

विधानसभा निवडणूकीसाठी सत्ताधारी काँग्रेस पार्टीने 86 उम्मीदवारांची यादी जाहीर केली आहे. विद्यमान मुख्यमंत्री चरणजितसिंह चन्नी हे चमकौर साहिब येथून तर नवजोत सिंह सिद्धू अमृतसर पूर्व मधून निवडणूक लढवणार आहेत.  सोनू सूदची बहिण मालविका सूद मोगा येथून निवडणूक लढवणार आहे. तर कादियानमधून प्रताप सिंह बाजवा आणि मानसा या मतदारसंघातून गायक सिद्धू मूसेवाला निवडणूक लढवणार आहेत. सुजानपूर मतदारसंघातून नरेश पुरी, पठानकोटमधून अमित विज, गुरदासपूर येथे बरिंदरजीत सिंह पहरा यांना काँग्रेस पक्षाने तिकिट दिले आहे.

पंजाबमध्ये 117 जागांवर एकाच टप्यात मतदान होणार आहे. 10 मार्च रोजी निवडणुकीचा निकाल लागणार आहे. पंजाबमध्ये  विधानसभाच्या 117 जागा आहेत. पंजाब विधानसभेचा कार्यकाळ  27 मार्च 2022 रोजी संपणार आहे.  14 फेब्रुवारी 2022 रोजी पंजाबमध्ये मतदान होणार आहे. 28 जानेवारीपर्यंत उमेदवारी अर्ज दाखल करु शकता येईल. 29 जानेवारी रोजी अर्जाची पडताळणी होईल. 31 जानेवारी पर्यंत उमेदवारी अर्ज मागे घेण्याची वेळ असेल.