नवीन पनवेल : मुंबई-गोवा हायवेवर गोवा लेनवर मोटारसायकल चालकाचा मृत्यू झाला आहे. याप्रकरणी पनवेल शहर पोलीस ठाण्यात चालकाविरुद्ध गुन्हा दाखल करण्यात आला आहे.अमलेश कुमार नगीना प्रसाद (३३) हा त्याची मोटरसायकल घेऊन जात होता. यावेळी पळस्पे ब्रिज खाली मुंबई-गोवा हायवेच्या गोवा लेनवर भरधाव वेगाने निघालेल्या टँकरने, अचानक ब्रेक दाबल्याने टँकरचा वेग कमी झाल्याने मोटरसायकल त्याच्या टॅंकरला आदळली व अपघात झाला.
या अपघातामध्ये अमलेश प्रसाद याच्या डोक्याला व हाताला मोठी दुखापत झाली. त्यात त्याचा मृत्यू झाला. या प्रकरणी उमेश कुमार भौरव मेहतो (कामोठे) याच्याविरोधात गुन्हा दाखल करण्यात आला आहे.
