Monday, July 15, 2024
Homeताज्या घडामोडीदोन गाड्यांचा अपघात ; 4 जखमी

दोन गाड्यांचा अपघात ; 4 जखमी

नवीन पनवेल :पनवेलजवळील कळंबोली-पुणे हायवे रोडवर अमेठी युनिव्हर्सिटीच्या समोरच एका फोर्ड इंडिव्हर गाडीच्या चालकाने त्याच्या पुढे चाललेल्या वॅगेनार गाडीस जोरदार धडक देऊन झालेल्या अपघातात त्या गाडीतील ४ जण जखमी झाल्याची घटना घडली आहे. या अपघाताची नोंद पनवेल तालुका पोलीस ठाण्यात करण्यात आली आहे.

रोनित धर (२९, रा. ठाणे) त्याच्या ताब्यातील फोर्ड इंडिव्हर गाडी क्र. एमएच-43-एआर-0001 घेवून मुंबई ते पुणे जाणाऱ्या एक्सप्रेसवरून चालला असताना त्याने त्याच्या पुढे चाललेल्या व्हॅगेनर गाडी क्र. एमएच-14-जीयू-1797 हीला पाठीमागून जोरदारपणे धडक दिली. या झालेल्या अपघातात गाडीतील लालमोहम्मद रुकमोद्दीन शेख (३५), सुकाराम पुरकाराम चौधरी (४५), बन्सी बहादूर गौतम (४२) व इदरील रहमत चौधरी (४४, सर्व रा. पुणे) हे जखमी झाले असून त्यांना नजिकच्या रुग्णालयात उपचारार्थ दाखल करण्यात आले आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -