दुबई (वृत्तसंस्था) : न्यूझीलंडचा यष्टिरक्षक, फलंदाज डेव्हॉन कॉन्व्हे हाताच्या दुखापतीमुळे टी-ट्वेन्टी वर्ल्डकपच्या अंतिम फेरीमध्ये ऑस्ट्रेलियाविरुद्ध खेळणार नाही.
उपांत्य फरीत इंग्लंडविरुद्ध कॉन्व्हेच्या हाताची दुखापत बळावली. क्ष-किरण चाचणीमध्ये दुखापत गंभीर असल्याचे दिसून आले. त्यानंतर अंतिम फेरीत तो उपलब्ध नसल्याचे न्यूझीलंड संघ व्यवस्थापनाने जाहीर केले.
उपांत्य फेरीत चौथ्या क्रमांकावर खेळताना ३८ चेंडूंत ४६ धावांची खेळी करताना इंग्लंडचे १६७ धावांचे आव्हान पार करण्यात कॉन्व्हेने मोलाचा वाटा उचलला. वर्ल्डकपच्या फायनलसह भारत दौऱ्यातील टी-ट्वेन्टी मालिकेलाही तो मुकला आहे.