Monday, July 22, 2024
Homeमहाराष्ट्रठाणेमीरा-भाईंदरमध्ये मडके फोडत पाण्यासाठी आंदोलन

मीरा-भाईंदरमध्ये मडके फोडत पाण्यासाठी आंदोलन

अनिकेत देशमुख

मीरा रोड : मीरा-भाईंदर शहरात भाजपच्या वतीने गुरुवारी सकाळी ११च्या सुमारास सिल्व्हर पार्क येथे पाण्याकरिता आंदोलन करण्यात आले. यावेळी मोठ्या प्रमाणात लोकांनी आंदोलनात सहभाग दर्शवला. यावेळी महापौर यांच्यासह इतर पदाधिकाऱ्यांनी दालनाबाहेरच मडके फोडत आंदोलन केले. आंदोलनानंतर आंदोलनातील महत्त्वाच्या पदाधिकाऱ्यांना पालिकेत चर्चेसाठी बोलावण्यात आले होते. यावेळी पालिकेत सर्व पक्षीय बैठकीचे आयोजन करण्यात आले होते.

बैठकीला एमआयडीसीचे मुख्य अभियंता सुधाकर वाघ, स्टेम प्राधिकरणाचे व्यवस्थापकीय संचालक संकेत घरत, पालिका आयुक्त दिलीप ढोले, पोलीस उपायुक्त, सहायक पोलीस आयुक्त व मोठ्या प्रमाणात पोलिसांचा बंदोबस्त ठेवण्यात आला होता, परंतु भाजपने गोंधळ करत फक्त आमच्याबरोबरच बैठक घेण्याचे सांगितले. यावेळी महापौर यांच्यासह इतर पदाधिकारी यांनी महापौर दालनाबाहेरच मडके फोडत आंदोलन केले.

भाजपने पाणी चोरीचा आरोप केला होता, त्यावर पाणी चोरी होत नसल्याचा एमआयडीसीकडून दावा करण्यात आला आहे. पाणी चोरी होत असल्याचे आढळल्यास नळजोडण्या खंडित करण्यात येतील व त्यांच्यावर गुन्हे दाखल करणार असे एमआयडीसीचे मुख्य अभियंता सुधाकर वाघ यांनी सांगितले आहे. मीरा-भाईंदरला पाणी पुरवठा करणारी पाईपलाईन फुटल्यामुळे व अगोदरचा शटडाऊन असल्यामुळे पाणीटंचाई वाढली आहे. ही पाणीटंचाई लवकरच कमी करण्यात येईल, असे एमआयडीसीकडून सांगण्यात आले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -