Sunday, July 14, 2024
Homeक्रीडापॉवरलिफ्टिंग स्पर्धेत मनोज मोरे, अपर्णा सागरे सर्वोत्तम

पॉवरलिफ्टिंग स्पर्धेत मनोज मोरे, अपर्णा सागरे सर्वोत्तम

सुमीत, जमील, आकांक्षा, मानसीचीही छाप

मुंबई (प्रतिनिधी) : मुंबई उपनगर हौशी पॉवरलिफ्टिंग असोसिएशन आयोजित जिल्हास्तरीय सब-ज्युनियर, मुले, मुली तसेच मास्टर (पुरुष/महिला) पॉवरलिफ्टिंग स्पर्धेत मास्टर गटात मुंबई पोलिसांचा मनोज मोरे तसेच चैतन्य हेल्थ क्लबची अपर्णा सागरे सर्वोत्कृष्ट पॉवरलिफ्टर ठरले. सब-ज्युनियर गटात अनुक्रमे सुमीत पाटील (डीईएन)आणि आकांक्षा बने (एम्पायर)तसेच मुले आणि मुली गटात अनुक्रमे जमील खान (सावरकर जिम) आणि मानसी अहेर यांनी (एम्पायर) आपापल्या गटात बाजी मारली.

गुरुकृपा मॅरेज लॉन्स, कांदिवली (मुंबई) येथे झालेल्या स्पर्धेचे उद्घाटन दत्तात्रय भनगे (सीए), हेमंत नवाळे (महाराष्ट्र केसरी, मल्लखांब), क्रीडाप्रेमी प्रथमेश कीर्दत, पॉवरलिफ्टिंगमधील आंतरराष्ट्रीय पदकविजेते आरीफ शेख यांच्या हस्ते झाले. यावेळी क्रीडाप्रेमी नियती शहा, नगरसेविका शुभदा गुडेकर, निखिल गुडेकर, शशांक चौकीदार, भालचंद्र मांजरेकर, दीपक शिंदे यांची प्रमुख उपस्थिती होती. जिल्हास्तरीय सब-ज्युनियर, मुले, मुली तसेच मास्टर (पुरुष/महिला) पॉवरलिफ्टिंग स्पर्धेत सब-ज्युनियर मुले गटात ५३ किलो गटात अनिश वर्मा (डीईएन), ५९ किलो गटात सुमीत पाटील (डीईएन), ६६ किलो गटात पार्थ बोरसे (मुंबई फिट), ७४ किलो गटात राजन मिश्रा (अॅडव्हान्स जिम), ८३ किलो गटात आदेश दिवेकर (चैतन्य), ९३ किलो गटात लिकित सालियन (जेनिफिट) आणि १०५ किलो गटात वेदांग अंडागळे (चैतन्य) तसेच ज्युनियर गटात ५९ किलो गटात विकास मांडवकर (चैतन्य), ६६ किलो गटात जमील खान (सावरकर जिम), ७४ किलो गटात अभिजीत कदम (स्मिताई), ८३ किलो गटात अक्षय कारंडे (टेक्नोफिट), ९३ किलो गटात आयुष घाडगे (मुंबई फिट), १०५ किलो गटात फ्रान्सिस्को फर्नांडिस (सावरकर जिम) आणि १२० किलो गटात ध्रु नायर यांनी (केईएस कॉलेज) जेतेपद पटकावले. मास्टर वन पुरुष गटात ६६ किलो गटात अजीज शेख (एम्पायर), ८३ किलो गटात संदेश आंबेकर (मुंबई फिट), ९३ किलो गटात नासीर हुसेन (चैतन्य), १०५ किलो गटात संदीप नवले (चैतन्य), १२० किलो गटात मनोज मोरे (मुंबई पोलीस) तसेच मास्टर टू मध्ये ६६ किलो गटात ६६ किलो गटात भरत पटवारी (चैतन्य), ८३ किलो गटात अशोक कदम (श्री पवनपुत्र), १२० किलो गटात आरीफ शेख (चैतन्य) आणि मास्टर थ्रीमध्ये ५९ किलो गटात विजय सोहनी (चैतन्य) विजेते ठरले.

सब-ज्युनियर मुली गटात ४७ किलो गटात ज्योती विश्वकर्मा (चैतन्य), ५२ किलो गटात आकांक्षा बने (एम्पायर), ५७ किलो गटात प्रिया गुजर (टेक्नो), ६३ किलो गटात प्राजक्ता गाढवे (अॅडव्हान्स), ८४ किलो गटात प्रणाली उमाळे (टेक्नो), ज्युनियर गटात ४३ किलो वजनी गटात कांचन धुरी (चैतन्य), ४७ किलो वजनी गटात मानसी अहेर (एम्पायर), ५७ किलो वजनी गटात अस्मिता सकपाळ (चैतन्य), ६३ किलो गटात अपर्णा जगताप (चैतन्य), ७२ किलो गटात मनाली साळवी (चैतन्य), ८४ किलो गटात निकिता नाईक (टेक्नो), ८४ किलोवरील गटात मारिया पटेल (चैतन्य) आणि मास्टर वन गटात (८४ किलोवरील गट) अपर्णा सागरे यांनी बाजी मारली.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -