Monday, July 15, 2024
Homeताज्या घडामोडीलसीकरणाचा लवकरच १०० कोटींचा पल्ला गाठणार

लसीकरणाचा लवकरच १०० कोटींचा पल्ला गाठणार

सेलिब्रेशनची जोरदार तयारी

नवी दिल्ली (वृत्तसंस्था) : कोरोना विषाणूच्या प्रादुर्भावामुळे गेल्यावर्षी संपूर्ण जगच ठप्प झाले होते. इतर देशांप्रमाणे भारतातही लसीकरण मोहीम सुरू करण्यात आली. भारत लवकरच १०० कोटींच्या लसीकरणाचा टप्पा गाठणार आहे. या खास क्षणाचे जोरदार सेलिब्रेशन करण्याची तयारी केंद्र सरकारने केली आहे. येत्या सोमवारी लसीकरणाचा १०० कोटींचा आकडा गाठण्याची शक्यता आहे.

लसीकरण मोहिमेसाठीचे एक खास गाणे तयार करण्यात आले आहे. देशाने कोरोना लसीकरण मोहिमेत १०० कोटी डोसचा पल्ला गाठल्यानंतर रेल्वे स्थानक, मेट्रो स्थानक, विमानतळ, बस स्थानक अशा देशभरातील सार्वजनिक ठिकाणांवर हे खास गाणे ऐकायला मिळणार आहे.

गायक कैलाश खेर यांनी हे गाणे गायले असून ‘टीके से बचा है देश टीके से’, असे गाण्याचे शब्द असून लसीकरण मोहिमेला प्रोत्साहन देण्यासाठी ते तयार करण्यात आले आहे. पेट्रोलियम मंत्रालयाअंतर्गत येणाऱ्या तेल आणि गॅस कंपन्यांनी मिळून या गाण्याची निर्मिती केली आहे.

केंद्रीय आरोग्यमंत्री मनसुख मांडवीय यांनी दिलेल्या माहितीनुसार देशात सध्या ९७ कोटींहून अधिक नागरिकांना कोरोना लसीचा पहिला डोस देण्यात आला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -