ठाणे (प्रतिनिधी) : रोटरी क्लब ऑफ ठाणे नॉर्थ आणि रोटरी क्लब ऑफ न्यू कल्याण यांच्या संयुक्त विद्यमाने दिव्यांग व्यक्तींसाठी मोफत पाय बसवण्याकरिता आवाहन केले गेले होते. यावेळी ४९ व्यक्तींना कृत्रिम पायांचा लाभ मिळाला.
३ ऑक्टोबर रोजी घेतलेल्या कॅम्पमध्ये ४९ जणांची नोंदणी केली गेली व त्यांच्या पायांची मापं घेण्यात आली. यामुळे १७ ऑक्टोबर रोजी या सर्व लाभार्थींना ठाण्यात आयोजित करण्यात आलेल्या कार्यक्रमात कृत्रिम पाय बसवून चालण्याचा सराव करून घेतला गेला.
यावेळी रोटरी क्लब ऑफ ठाणे नॉर्थचे अध्यक्ष रोटेरियन सुनील सोमण, सचिव रोटेरियन मेधा जोशी, डॉ. मोहन चंदावरकर, महेश गुप्ते, पल्लवी फौजदार, राजेश परांजपे, देवयानी वेद, सुरेश कनाकिया, डॉ. प्रतीक, राधिका तसेच रोटरी क्लब ऑफ न्यू कल्याणचे रोटेरियन डॉ. सुश्रुत वैद्य, रोटेरियन किरण पाटील, नामदेव चौधरी, बिजू उंनिथन, वीरेंद्र सिंग, राजेश परदेशी आणि अध्यक्ष नितीन माचकर उपस्थित होते.