अग्निशमन दलाच्या ताफ्यात दोन नव्या गाड्या दाखल

प्रहार इम्पॅक्ट

भिवंडी (वार्ताहर) : भिवंडी महानगरपालिका अग्निशमन दलात नवीन सुसज्ज यंत्रणा असलेल्या दोन अग्निशमन दलाच्या गाड्या दाखल झाल्या आहेत. ताफ्यात असलेली वाहने जुनी व नादुरुस्त झाल्याने अवघी दोनच वाहने असल्याने एखादी घटना घडली की, गैरसोय होत होती. प्रहारने ही बातमी प्रकाशित करताच भिवंडी महानगरपालिकेने गाडी खरेदीच्या प्रस्तावाला अधिक गती देत शुक्रवारी विजयादशमीच्या मुहूर्तावर दोन गाड्या ताफ्यात आल्या आहेत.

आगीसह दुर्घटनांच्या घटनांमुळे अनेकदा अग्निशमन दलाच्या कार्यपद्धतीवर प्रश्न उपस्थित केले जात असताना, पालिका प्रशासनाने नव्याने दोन अग्निशमन दलाच्या वाहनांची भर पडली असून महापौर प्रतिभा पाटील, आयुक्त सुधाकर देशमुख यांच्या हस्ते या वाहनांचे पूजन करीत ही वाहने ताफ्यात समाविष्ट केली आहेत.