दुबई (वृत्तसंस्था) : यूएईत सुरू असलेल्या आयसीसी टी-ट्वेन्टी वर्ल्डकप स्पर्धेच्या फायनलमध्ये प्रवेश केलेल्या न्यूझीलंडच्या दृष्टिक्षेपात वर्षभरातील आयसीसीचे सलग दुसरे जेतेपद आहे.
केन विल्यमसन आणि सहकाऱ्यांनी पहिल्यावहिल्या आयसीसी कसोटी अजिंक्यपद स्पर्धेचे जेतेपद पटकावले. साउथम्पटनमध्ये (इंग्लंड) झालेल्या अंतिम फेरीत त्यांनी भारतावर विजय मिळवला. त्यानंतर टी-ट्वेन्टी वर्ल्डकप स्पर्धेच्या अंतिम फेरीमध्ये धडक मारली. त्यामुळे किवींच्या आवाक्यात वर्षभरात आणखी एक आयसीसी ट्रॉफी पटकावण्याची संधी आहे. न्यूझीलंडने तशी कामगिरी साकारली, तर आंतरराष्ट्रीय क्रिकेटमधील तो एक मोठा विक्रम ठरेल.
शेवटच्या तीन ओव्हर्स निर्णायक
सध्या सुरू असलेल्या सातव्या टी-ट्वेन्टी वर्ल्डकप स्पर्धेतील कामगिरी पाहता उपांत्य फेरीत माजी विजेता इंग्लंडला सहज हरवणाऱ्या न्यूझीलंडने सर्व आघाड्यांवर चांगला खेळ केला आहे. सुपर-१२ फेरीतील पाचपैकी चार सामने जिंकून ग्रुप-२मध्ये दुसरे स्थान पटकावून किवींनी सेमीफायनल प्रवेश केला. सुपर-१२ फेरीत गोलंदाजांनी तारले तरी इंग्लंडविरुद्ध डॅरिल मिचेल (४७ चेंडूंत नाबाद ७२ धावा), डेवॉन कॉन्व्हे (३८ चेंडूंत ४६ धावा) आणि जेम्स नीशॅमने (११ चेंडूंत २७ धावा) दाखवलेली जिगर उल्लेखनीय आहे. न्यूझीलंडसमोर जिंकण्यासाठी २४ चेंडूंत म्हणजे ४ षटकांत ५७ धावांची आवश्यकता होती. चेंडू आणि धावांमध्ये जवळपास दुपटीचा फरक असला तरी टी-ट्वेन्टी क्रिकेटमध्ये एक-दोन ओव्हर्समध्ये जास्त धावा फटकावल्यास समीकरण बदलू शकते. न्यूझीलंडच्या फलंदाजांनी तेच केले. १७व्या षटकात वेगवान गोलंदाज ख्रिस जॉर्डनच्या ओव्हरमध्ये २३ धावा निघाल्या. यंदाच्या वर्ल्डकपमधील ही सर्वात महागडी ओव्हर ठरली. लेगस्पिनर अब्दुल रशीदच्या पुढील षटकांत १४ धावा मिळाल्या. १२ चेंडूंत जिंकण्यासाठी २० धावा असताना याच ओव्हरमध्ये विजयावर शिक्कामोर्तब करण्याचे किवींच्या फलंदाजांनी ठरवले. वेगवान गोलंदाज ख्रिस वोक्सने टाकलेल्या १९व्या षटकात डॅरिल मिचेलने तेच केले.
संयम शिकावा मिचेलकडून
इंग्लंडचे १६७ धावांचे आव्हान एक ओव्हर राखून पार करण्यात न्यूझीलंडला यश आले. त्यात सलामीवीर डॅरेल मिचेलचे मोठे योगदान राहिले. त्याने ४७ चेंडूंत नाबाद ७२ धावांची खेळी करताना सामनावीराचा पु्रस्कार पटकावला. मात्र, १६वे षटक संपले तेव्हा मिचेल हा ४० चेंडूंत ४६ धावांवर खेळत होता. पुढील ७ चेंडूंत त्याने २८ धावा फटकावल्या. त्याच्याआधी जेम्स नीशॅमने (११ चेंडूंत २७ धावा) फटकेबाजी केली. मात्र, तो बाद झाल्यानंतर शांत आणि संयमी मिचेलने टॉप गियर टाकला. अन्य फलंदाज खेळत असताना डॅरिलने एक बाजू लावून धरली. न्यूझीलंडला अशाच फलंदाजाची गरज होती.
१३ जणांना वाचवण्यात यश तर ४ जण बेपत्ता; बचावकार्य युद्धपातळीवर सुरु पाटणा : गेल्या काही…
एनसीईआरटीच्या बारावीच्या राज्यशास्त्र पुस्तकात अनेक मोठे बदल मुंबई : एनसीईआरटीचे (National Council of Educational Research…
मुंबईच्या साऊथ सायबर पोलीस स्थानकात गुन्हा दाखल मुंबई : बॉलिवूडचा भाईजान सलमान खानच्या (Salman Khan)…
आता एसटी पाससाठी रांगेत ताटकळावं लागणार नाही मुंबई : एसटी महामंडळाच्या (ST Bus) बसेसमधून प्रवास…
नियुक्त्या रद्द करण्याच्या मागणीने धरला जोर सांगली : सांगली जिल्हा परिषदेचा (Sangli Zilla Parishad) अजब…
गुंतवणूकदारांना मिळेल दुप्पट परतावा मुंबई : भविष्यात येणाऱ्या अडचणींचा सामना करण्यासाठी आत्तापासूनच गुंतवणूक (Investment) करणे…