परभणी : मराठा आरक्षणाच्या (Maratha Reservation) मागणीसाठी राज्यभरातील मराठे आता पेटून उठले आहेत. उपोषण करणारे मनोज जरांगे पाटील (Manoj Jarange Patil) यांनी मराठ्यांना गावागावात साखळी उपोषण करण्याचं आणि शांततेने आंदोलन करण्याचं आवाहन केलं आहे. त्यानुसार राज्यभरातील गावागावांमध्ये अनेक मराठा बांधवांनी उपोषणासाठी पुढाकार घेतला आहे. मात्र, याचा परभणीतील (Parbhani News) एका उपोषणकर्त्याला प्रचंड त्रास झाला आहे. तीन दिवस पाणीही न घेतल्याने स्टेजवरुन कोसळून त्यांच्या डोक्याला व डोळ्याला जबर दुखापत झाली आहे.
परभणीच्या पालम तहसील कार्यालयासमोर मराठा आरक्षणासाठी नरसिंग रोकडे, ओमकार सिरस्कर आणि माणिक सिरस्कर हे तीन जण आमरण उपोषण करत आहेत. या तिघांनीही गेल्या तीन दिवसांपासून अन्न आणि पाणी न घेतल्याने या तिघांपैकी ३५ वर्षीय माणिक रुस्तुमराव सिरस्कर यांची प्रकृती अत्यंत खालावली. आंदोलन स्थळीच अचानक चक्कर आल्याने उपोषणासाठी तयार करण्यात आलेल्या स्टेजवरून ते खाली पडले. यामध्ये त्यांच्या डोक्याला आणि डोळ्याला जबर दुखापत होऊन मार लागला आहे.
माणिक सिरस्कर यांना ताबडतोब पालम ग्रामीण रुग्णालयात हलवण्यात आले. मात्र, तिथे आरोग्य कर्मचारी नसल्याने उपचार मिळू शकले नाहीत. त्यामुळे त्यांना पुढील उपचारासाठी नांदेड येथे हलवण्यात आले आहे. मराठा आरक्षणासाठी गावागावात अनेक तरुण अशा पद्धतीने उपोषण करत आहेत.
सेवाव्रती: शिबानी जोशी ठाण्यामध्ये राष्ट्रीय स्वयंसेवक संघाची पहिली शाखा ज्या ठिकाणी सुरू झाली, ते ठिकाण…
प्रा. डॉ. विजयकुमार पोटे दोनशे रुपये लिटर दूध, पैसे मोजूनही न मिळणारे पीठ, जीवनावश्यक वस्तूंचा…
मुंबई: आयपीएल २०२४चा प्लेऑफचा टप्पा २१ मेपासून सुरू होत आहे. सनरायजर्स हैदराबाद, कोलकाता नाईट रायडर्स,…
मुंबई: आवळ्यामध्ये औषधीय गुण भरलेले असतात. आयुर्वेदात आवळ्यामध्ये अनेक पोषकतत्वे सांगितलेली आहे. आयुर्वेदाच्या दृष्टीने आवळा…
मतदारयादीत नाव नसल्याने मतदारांचा हिरमोड मुंबई : राज्यातील लोकसभा निवडणुकीच्या पाचव्या टप्प्यातील १३ मतदार संघात…
मुंबई: अंबाती रायडू(ambati raydu) इंडियन प्रीमियर लीगमध्ये(indian premier league) मुंबई इंडियन्स आणि चेन्नई सुपर किंग्ससाठी…