Nashik Crime : नाशिक जिल्ह्यातील नांदगाव (Nandgaon) येथील दुय्यम निबंधक कार्यालयात लाचलुचपत प्रतिबंधक विभागाने मोठी कारवाई केली आहे. शेतजमिनीच्या खरेदी खताच्या दस्तांची प्रमाणित नक्कल प्रत देण्यासाठी एक हजार रुपयांची लाच स्वीकारताना आयटी सहाय्यकासह दोन जणांना रंगेहात पकडण्यात आले आहे.
आसाम : आसाममधील जोरहाट येथे शनिवारी सकाळी भारतीय वायुदलाच्या (IAF) AN-32 ट्रान्सपोर्ट विमानाचा भीषण अपघात (Indian Air Force AN-32 Plane Crashes) झाला. लँडिंगदरम्यान विमान एअर ...
नेमकं प्रकरण काय ?
तक्रारदाराची वडिलोपार्जित शेतजमीन चुलत आजोबा व इतरांनी परस्पर विक्री केलेली असल्याने पुढील कायदेशीर लढाई करण्यासाठी त्यांना आजोबा व इतरांनी विक्री केलेल्या शेत जमिनीच्या खरेदी खतांच्या दस्तांची प्रमाणित नक्कल हवी होती. यासाठी तक्रारदाराने १८ मार्च २०२६ रोजी दुय्यम निबंधक कार्यालयात अर्ज केला होता. खासगी व्यक्ती सागर बोरसे आणि आयटी सहाय्य्क धारासिंग राठोड यांंनी खरेदी खतांच्या दस्तांची प्रमाणित नक्कल प्रत काढून देण्यासाठी ३२० रुपये शासकीय शुल्क भरण्यास सांगितले.
नंतर प्रमाणित नक्कल प्रत देण्यासाठी नांदगाव दुय्यम निबंधक कार्यालयात संशयितांनी १२०० रुपये लाचेची मागणी करत तडजोडीअंती एक हजार रुपये स्वीकारण्याचे मान्य केले. या संदर्भात तक्रार आल्यानंतर लाचलुचपत प्रतिबंधक विभागाच्या पथकाने सापळा रचला. तक्रारदाराकडून एक हजार रुपयांची लाच स्वीकारत असताना संशयित राठोड व बोरसे या दोघांना पकडण्यात आले.
नाशिक : शहरात बीएसएनएल (BSNL) कंपनीच्या महागड्या भूमिगत तांब्याच्या (यू.जी. केबल) चोरी करणाऱ्या टोळीचा गुन्हे शाखा युनिट क्रमांक एक, गुंडा पथक व अंबड गुन्हे ...
आयटी सहाय्यकासह दोघे ताब्यात
या कारवाईत धारासिंग बाबुलाल राठोड, वय ५३, रा. सह्याद्रीनगर, नांदगाव, हे आयटी सहाय्यक अर्थात डाटा एन्ट्री ऑपरेटर आणि खासगी व्यक्ती सागर राजेंद्र बोरसे, वय ३३, रा. पाटोदा रोड, नांदगाव यांना ताब्यात घेण्यात आले आहे. या प्रकरणी भ्रष्टाचार प्रतिबंधक अधिनियमान्वये नांदगाव पोलीस ठाण्यात (Nandgaon Police Station) गुन्हा दाखल करण्यात आला आहे.
लाचलुचपत प्रतिबंधक विभागाचे आवाहन
दरम्यान, शासकीय कार्यालयात कोणत्याही कामासाठी अधिकारी वा कर्मचारी लाचेची मागणी करीत असल्यास नागरिकांनी एसीबीच्या शरणपूर रस्त्यावरील तिबेटियन मार्केटजवळील कार्यालयात अथवा १०६४ या टोल फ्री क्रमांक, ०२५३-२५७५६२८, २५७८३२० तसेच व्हॉट्स ॲप ९९३०९९७७०० या क्रमांकावर संपर्क साधावा, असे आवाहन करण्यात आले आहे. भ्रष्टाचारासंबंधी काही माहिती असल्यास किंवा लाच मागणाऱ्या लोकसेवकांबद्दल तक्रार असल्यास या क्रमांकावर साधावा, असे लाचलुचपत प्रतिबंधक विभागाने म्हटले आहे.
