नवी दिल्ली : काँग्रेसच्या ज्येष्ठ नेत्या आणि राज्यसभा खासदार सोनिया गांधी यांना तब्येत बिघडल्यामुळे मंगळवारी दिल्लीच्या सर गंगाराम रुग्णालयात (एसजीआरएच) दाखल करण्यात आले आहे. श्वास घेण्यास त्रास होत असल्यामुळे तसेच छातीत दुखत असल्याची तक्रार केल्यामुळे सोनिया गांधी यांना रुग्णालयात दाखल केले. सोनिया यांना तब्येतीच्या कारणामुळे रुग्णालयात दाखल करण्याची अलिकडच्या काळातील ही काही पहिलीच वेळ नाही. मागील वीस वर्षांत सोनिया गांधी यांना दहा पेक्षा जास्त वेळा उपचारांसाठी रुग्णालयात दाखल करण्यात आले आहे. यामुळे सोनिया गांधी यांची तब्येत आता वारंवार बिघडते आणि त्या राजकारणात महत्त्त्वाची जबाबदारी हाताळण्यास सक्षम नसल्याची चर्चा राजकीय वर्तुळात सुरू झाली आहे.
कधी पोटदुखी तर कधी श्वास घेण्यास त्रास होणे तर काही वेळा छातीत दुखणे अशा वेगवेगळ्या कारणांसाठी सोनिया गांधी यांनी मागील वीस वर्षांत वारंवार रुग्णालयात उपचार घेतले आहेत.
नवी दिल्ली: काँग्रेसच्या ज्येष्ठ नेत्या आणि राज्यसभा खासदार सोनिया गांधी यांची प्रकृती अचानक मंगळवारी रात्री बिघडली. तात्काळ त्यांना सर गंगाराम ...
सोनिया गांधी यांना मार्च २०२६ च्या आधी जानेवारी २०२६ मध्येही तब्येत बिघडल्यामुळे दिल्लीच्या सर गंगाराम रुग्णालयात (एसजीआरएच) दाखल केले होते. याआधी जून २०२५ मध्ये एकदा पोटदुखीसाठी आणि एकदा वैद्यकीय तपासण्यांसाठी असे एकूण दोन वेळा सोनिया गांधी यांना रुग्णालयात दाखल केले होते. फेब्रुवारी २०२५ मध्येही सोनिया यांना रुग्णालयात उपचार घ्यावे लागले होते. कोविड काळात तर सोनिया गांधी यांनी वारंवार वैद्यकीय तपासण्यांसाठी आणि उपचारांसाठी रुग्णालयात दाखल व्हावे लागले होते. अमेरिकेतील रुग्णालयातही सोनिया गांधी उपचार घेतले आहेत. वारंवार रुग्णालयात उपचार घेऊनही सोनिया गांधींच्या तब्येतीच्या कुरबुरी सुरू आहेत.
