मुंबई : मुंबईतील प्रसिद्ध सिद्धिविनायक मंदिरात आज आपल्याला प्रचंड प्रमाणात भाविकांची गर्दी दिसून येते. आज माघी गणपती जयंती असल्यामुळे मोठया संख्येने भाविक इथे जमलेले दिसतात. सिद्धिविनायक मंदिरात ७ दिवसांपासून माघी गणेशोत्सवाला सुरुवात झाली असून हा उत्सव २५ जानेवारीपर्यंत साजरा केला जाणार आहे. माघी गणेश उत्सव श्री गणेशाच्या जन्माशी संबंधित आहे. माघ महिन्यातील शुक्ल पक्षातील चतुर्थी तिथीला गणेश जयंती साजरी केली जाते, ज्याला माघी गणेश उत्सव असेही म्हणतात. या तिथीला वरद चतुर्थी आणि तिलकुंद चतुर्थी म्हणूनही ओळखले जाते.
गणेश पुराणानुसार, माघ शुक्ल चतुर्थी तिथीलाच श्री गणेशाचे वास्तविक प्रकटीकरण झाले होते. वर्ष २०२६ मध्ये गणेश जयंतीचा हा मुख्य सण आज २२ जानेवारी, गुरुवार रोजी साजरा केला जाणार आहे.
७ दिवसांचा माघी गणेश उत्सव
महाराष्ट्र, कर्नाटक, आंध्र प्रदेश, तामिळनाडू, मध्य प्रदेश आणि गोवा या राज्यांमध्ये साजरा केला जातो. या ७ दिवसांच्या उत्सवात गणपती बाप्पाची विधीवत प्रतिष्ठापना करून पूजा केली जाते आणि मोदकाचा नैवेद्य अर्पण केला जातो. उत्सवाच्या शेवटी मूर्तीचे विसर्जन केले जाते. गणेशाला ज्ञान, समृद्धी आणि नवीन सुरुवातीचे प्रतीक मानले जाते. या उत्सवाचा मुख्य दिवस गणेश जयंती म्हणजेच माघ विनायक चतुर्थी असतो.
सिद्धिविनायक मंदिरात विशेष पूजा
या दिवशी सिद्धिविनायक मंदिरात विशेष पूजा केली जाते, पुजारी आचार्य पवन त्रिपाठी यांनी दिलेल्या माहितीनुसार, मंदिरात हा उत्सव १९ ते २५ जानेवारी या कालावधीत साजरा केला जात आहे. दर्शनासाठी भक्तांची मोठी गर्दी मंदिरात होत असून विविध सांस्कृतिक आणि धार्मिक कार्यक्रमांचे आयोजन करण्यात आले आहे. अनेक भक्त आपल्या मनोकामना पूर्ण करण्यासाठी मंदिरात यज्ञ देखील करत आहेत.
