कॅनबेरा : अनुभवी फिरकी गोलंदाज रविचंद्रन अश्विन बिग बॅश लीगच्या आगामी हंगामासाठी सिडनी थंडरकडून खेळणार आहे. या स्पर्धेत खेळणारा तो पहिला भारतीय क्रिकेटपटू ठरला आहे. आंतरराष्ट्रीय क्रिकेट आणि इंडियन प्रीमियर लीगमधून निवृत्त झालेला अश्विन १४ डिसेंबर ते २५ जानेवारी दरम्यान होणाऱ्या बीबीएलच्या दुसऱ्या सत्रासाठी उपलब्ध असेल. अश्विनने सांगितले की, " माझी त्यांच्याशी खूप चांगली चर्चा झाली आणि आम्ही माझ्या भूमिकेवर पूर्णपणे सहमत आहोत. मला डेव्हिड वॉर्नरचा खेळ आवडतो. मी संघासाठी चांगली कामगिरी करण्यास उत्सुक आहे."
सिडनी थंडरचे जनरल मॅनेजर ट्रेंट कोपलँड यांनी याला बीबीएल इतिहासातील सर्वात मोठा करार म्हटले. कोपलँड म्हणाले, "मला वाटते की हा बीबीएल इतिहासातील सर्वात मोठा करार आहे, पहिला महान भारतीय आणि खेळाचा आयकॉन आहे. तो एक अतिशय स्पर्धात्मक क्रिकेटपटू आहे."
अश्विन हा बीबीएलमध्ये खेळणारा पहिला भारतीय पुरुष क्रिकेटपटू ठरला आहे. भारतात जन्मलेले उन्मुक्त चंद आणि निखिल चौधरी हे परदेशात स्थलांतरित झाल्यानंतर बीबीएलमध्ये खेळले होते. अश्विनने आयएलटी२० लिलावातही भाग घेतला आहे. ४ जानेवारी रोजी लीग संपल्यानंतर तो बीबीएलच्या दुसऱ्या सत्रासाठी सिडनी थंडरच्या संघात सहभागी होणार आहे. भारतासाठी ५३७ कसोटी विकेट्स आणि आयपीएलमध्ये २२१ सामन्यांमध्ये १८७ विकेट्स घेतल्या आहेत.
