मुंबई: मुंबईमध्ये १३ वर्षांच्या मुलीवर ४० वर्षीय चुलत आजोबांनी लैंगिक अत्याचार केल्याची धक्कादायक घटना समोर आली आहे. पवईमध्ये ही घटना घडली आहे. याप्रकरणी पवई पोलिसांनी आरोपीविरोधात गुन्हा दाखल करत अवघ्या काही तासांमध्ये त्याला अटक केली. या घटनेमुळे पवईमध्ये खळबळ उडाली आहे.

https://prahaar.in/2024/12/03/maharashtra-cmshinde-likable-leader-should-be-respected-in-grand-coalition-government-kesarkar/

मिळालेल्या माहितीनुसार गेल्या महिन्याभरापासून या मुलीवर लैंगिक अत्याचार सुरू होते. मुलीचे आई-वडील कामावर गेल्यावर चुलत आजोबा हे घाणेरडं कृत्य करत होता. मुलीवर अत्याचार केल्यावर आरोपी तिला धमकी देखील देत होता त्यामुळे पीडित मुलगी निमुटपणे सर्वकाही सहन करत होती.कोणाला सांगितल्यास तुझ्या आई-वडिलांना जीवे मारेल अशी धमकी आरोपी पीडित मुलीला देत होता. पण त्रास होऊ लागल्यामुळे पीडित मुलीने घटनेची माहिती आपल्या आईला दिली. त्यानंतर हा सर्व प्रकार उघडकीस आला. पीडित मुलीच्या आईने तात्काळ पवई पोलिस ठाण्यात धाव घेत तक्रार दाखल केली.

पोलिसांनी घटनेचे गांभीर्य लक्षात घेऊन आरोपीविरोधात गुन्हा दाखल केला. पोलिसांनी आरोपीविरोधात बलात्कार आणि पॉक्सो कायद्याअंतर्गत गुन्हा दाखल करत अटक केली.