पुणे : पॅकिंग, पाश्चरायझेशनवरील खर्च (दूध शुद्धीकरण प्रक्रिया) आणि इंधनाच्या दरात वाढ झाल्यामुळे उत्पादन खर्च वाढला आहे असे कारण देत दुधाच्या दरात प्रति लिटर दोन रुपयांची वाढ करण्यात आली आहे. दुग्धजन्य पदार्थांच्या दरातही दहा टक्क्यांपर्यंत वाढ करण्यात आली आहे. कात्रज डेअरीच्या दुधाच्या दरात मंगळवार ११ ऑगस्ट २०२६ पासून प्रति लिटर दोन रुपयांची वाढ लागू होणार आहे. तसेच कात्रज डेअरीच्या दुग्धजन्य पदार्थांच्या दरातही दहा टक्क्यांपर्यंत वाढ लागू होणार आहे.

https://prahaar.in/2026/08/09/petrol-price-in-india-today-relief-on-petrol-and-diesel-prices-continues-today-rates-remain-stable-in-major-cities-including-mumbai-check-the-latest-prices-here/

दूध उत्पादक आणि प्रक्रिया कल्याणकारी संघाच्या बैठकीत दरवाढ करण्याचा निर्णय झाला आहे. पॅकिंगच्या खर्चात सुमारे ३० टक्के, पाश्चरायझेशनवरील खर्च (दूध शुद्धीकरण प्रक्रिया) दहा ते बारा रुपये, इंधनाच्या दरात सुमारे दहा रुपयांची वाढ झाली आहे. दूध खरेदीचा दर पण वाढला आहे. यामुळेच दूध आणि दुग्धजन्य पदार्थांच्या विक्रीच्या दरात वाढ करण्याचा निर्णय झाला आहे.

https://prahaar.in/2026/08/09/minor-offenses-to-be-resolved-easily-starting-august-15-due-to-amendments-in-the-jan-vishwas-motor-act/

दूध उत्पादकांना योग्य मोबदला मिळावा, तसेच उत्पादन, पॅकिंग, वाहतूक आणि इतर खर्चाचा समतोल राखता यावा, यासाठी विक्री दर वाढविण्याचा निर्णय घेण्यात आला. दरवाढ झाल्यामुळे दूध प्रति लिटर दोन रुपयांनी महागणार आहे. विविध दुग्धजन्य पदार्थांच्या दरातही उत्पादनानुसार १० टक्क्यांपर्यंत वाढ झाली आहे.