सोशल मीडियावर सध्या एका जपानी तरुणाविषयीची बातमी प्रचंड व्हायरल होत आहे, ज्यामध्ये एका २६ वर्षीय जपानी अब्जाधीशाने स्वतःला कुत्र्यासारखे दिसण्यासाठी आणि वागण्यासाठी तब्बल २.२ अब्ज रुपये (अंदाजे २२० कोटी) खर्च केल्याचा दावा केला जात आहे. या व्हायरल पोस्टमुळे संपूर्ण जगभरात आश्चर्य व्यक्त केले जात असून अनेकांच्या भुवया उंचावल्या आहेत.
https://prahaar.in/2026/08/09/infiltration-attempt-foiled-on-india-pakistan-international-border-bsf-kills-one-suspect/
व्हायरल होत असलेल्या दाव्यांनुसार, जासो नावाच्या या तरुणाने कुत्र्यासारखे रूप मिळवण्यासाठी अनेक खर्चीक शस्त्रक्रिया केल्या आहेत. या शस्त्रक्रियांनंतर त्याचे दिसणे आणि हालचाली अगदी हुबेहूब कुत्र्यासारख्या झाल्या आहेत, असा दावा काही सोशल मीडिया पोस्ट्समध्ये केला गेला आहे. तसेच, तो आता कुत्र्याप्रमाणे चालतो आणि जीवन जगतो, असेही सांगितले जात आहे. मात्र, या खळबळजनक दाव्यांना अद्याप कोणतीही अधिकृत पुष्टी मिळालेली नाही.
https://prahaar.in/2026/08/09/minor-offenses-to-be-resolved-easily-starting-august-15-due-to-amendments-in-the-jan-vishwas-motor-act/
वास्तविक बाजू आणि सत्य:
या प्रकरणाची सखोल चौकशी केल्यानंतर समोर आलेल्या इतर अहवालांमधून हा दावा पूर्णपणे चुकीचा असल्याचे स्पष्ट होते. प्रत्यक्षात, कोणत्याही प्रकारची शस्त्रक्रिया झालेली नाही. जपानमधील या तरुणाने स्वतःला कुत्र्यासारखे रूपांतरित करण्यासाठी कोणतीही मोठी शस्त्रक्रिया केली नसून, त्याने केवळ करमणुकीसाठी किंवा हौसेखातर कुत्र्याची एक हुबेहूब वेशभूषा (कस्ट्युम) तयार करून घेतली आहे.
https://prahaar.in/2026/08/09/inauguration-of-sion-railway-overbridge-postponed-until-the-end-of-september-second-girder-to-be-installed-on-the-intervening-night-of-august-8-9/
मिळालेल्या माहितीनुसार, या विशेष वेशभूषेची किंमत सुमारे २० लाख जपानी येन इतकी आहे, जी भारतीय चलनात अंदाजे ११ ते १२ लाख रुपये होते. हा तरुण प्रत्यक्षात कोणताही बदल करून कुत्र्या बनलेला नाही, तर तो केवळ एका महागड्या पोशाखाचा वापर करत आहे. मूळ व्हिडिओ नेमका कधी आणि कोणत्या उद्देशाने चित्रित करण्यात आला याबाबत कोणतीही स्पष्ट माहिती उपलब्ध नाही.
थोडक्यात सांगायचे तर, सोशल मीडियावर २२० कोटींच्या शस्त्रक्रियेचा दावा करून जी बातमी पसरवली जात आहे, ती निव्वळ अफवा आहे. जर हे अहवाल खरे मानले, तर तो माणूस अजूनही माणूसच आहे आणि त्याच्या शरीरावर कोणतीही शस्त्रक्रिया झालेली नाही.