मुंबई : राष्ट्रवादी काँग्रेस (शरदचंद्र पवार) पक्षाचे आमदार रोहित पवार प्रकृती अस्वास्थ्यामुळे सोमवारी मुंबईतील ब्रीच कँडी रुग्णालयात वैद्यकीय तपासणीसाठी दाखल झाले. गेल्या काही दिवसांपासून सुरू असलेले सातत्यपूर्ण राजकीय दौरे, पक्षाच्या विविध बैठका आणि कामाच्या प्रचंड ताणामुळे त्यांची तब्येत बिघडल्याची प्राथमिक माहिती समोर आली आहे.

गेले २-३ दिवस तब्येत साथ देत नसल्याने आणि याबाबत आज माध्यमांमधील बातम्या पाहून अनेक हितचिंतक फोन करतायत. आपल्या काळजीबद्दल धन्यवाद, पण काळजीचे काहीही कारण नाही. व्हायरल फ्लू किंवा इतर काही कारण आहे का, याबाबत तपासणी सुरू आहे. खरं तर डॉक्टरांनी आजार अंगावर न काढता सक्तीच्या…

— Rohit Pawar (@RRPSpeaks) August 3, 2026

https://prahaar.in/2026/08/03/sarsanghchalak-to-interact-with-gen-z-in-mumbai/

आमदार पवार यांना गेल्या दोन दिवसांपासून ताप आणि थकवा जाणवत होता. प्रकृतीची साथ नसतानाही त्यांनी सोमवारी सकाळी पक्षाच्या पदाधिकाऱ्यांशी चर्चा केली तसेच वांद्रे येथील झोपडपट्टी पुनर्वसन प्राधिकरणाच्या (एसआरए) कार्यालयात जाऊन आयुक्तांची भेट घेतली. मात्र, या महत्त्वाच्या बैठकीनंतर त्रास वाढल्याने त्यांनी तातडीने ब्रीच कँडी रुग्णालय गाठण्याचा निर्णय घेतला.

https://prahaar.in/2026/08/03/devendra-fadnavis-citizen-facing-government-departments-to-move-to-the-air-india-building-chief-minister-directs-officials-to-ensure-the-general-public-faces-no-inconvenience/

रुग्णालयात दाखल झाल्यानंतर डॉक्टरांनी त्यांच्या प्राथमिक तपासण्या सुरू केल्या आहेत. तज्ज्ञ डॉक्टरांच्या सल्ल्यानुसार काही वैद्यकीय चाचण्या केल्या जाणार असल्याचे समजते. आमदार पवार यांची प्रकृती स्थिर असून काळजीचे कोणतेही कारण नाही, सततच्या दगदगीमुळे त्यांना वैद्यकीय सल्ल्याची गरज भासल्याचे पक्षातील सूत्रांकडून सांगण्यात आले. चाचण्यांचे अहवाल आल्यानंतर आणि आवश्यक उपचार पूर्ण झाल्यानंतर ते पुन्हा नियमित कामकाजात सक्रिय होतील.