Nashik Suicide News : नाशिकच्या पाथर्डी शिवारात एक मन हेलावणारी घटना घडली आहे. पाथर्डी शिवारातील ‘गजरा नंदनवन’ इमारतीच्या सातव्या मजल्यावरून उडी मारून एका बारावीत शिकणाऱ्या १८ वर्षीय विद्यार्थिनीने स्वतःची जीवनयात्रा संपवली आहे. आदिती सचिन दाहेदार असे या विद्यार्थिनीचे नाव असून, तिच्या या टोकाच्या निर्णयामुळे परिसरात हळहळ व्यक्त हाेत आहे. (Nashik Suicide News)
https://prahaar.in/2026/08/03/special-train-to-run-via-nashik-road-manmad-and-bhusawal/
नेमकं काय घडलं ?
मिळालेल्या प्राथमिक माहितीनुसार, शनिवारी नेहमीप्रमाणे क्लासवरून अदिती घरी परतली. मात्र यानंतर काही मिनिटांतच आदितीने बेडरूममधून खाली उडी मारली. क्लास संपल्यानंतर वडील सचिन दाहेदार तिला घरी घेऊन आले. हॉलमध्ये आई-वडील बोलत असताना आदिती बेडरूममध्ये गेली आणि तिने थेट सातव्या मजल्यावरून खाली झोकून दिले. (Nashik Suicide News)
इंदिरानगर पोलिसांनी (Indiranagar Police) घटनास्थळी धाव घेत मोबाईल व सुसाईड नोट जप्त केली आहे. आदितीच्या पश्चात आई-वडील आणि लहान बहीण असा परिवार आहे. याप्रकरणात पोलीस उपनिरीक्षक युवराज शिरसाठ आणि हवालदार नंदू हारपडे तपास करत आहेत.
https://prahaar.in/2026/08/03/1500-state-of-the-art-cctv-cameras-to-be-operational-across-the-city-within-two-months/
नाशिकमध्ये बनावट आयएसओचा बनाव
दरम्यान, दुसरीकडे नाशिकमध्ये कोट्यवधी रुपयांची फसवणूक झाल्याचा धक्कादायक प्रकार उघडकीस आला आहे. आयएसओ मानांकन, जर्मनी व दिल्लीतील प्रदर्शनात सहभाग घेतल्याचे चित्र रंगवत तीन संशयितांनी नाशिक शहरात भाडेतत्त्वावरील जागेत कार्यालय थाटले. ही जागा आपल्या मालकीची असल्याच्या भूलथापा देत गुजरात आणि उत्तराखंड राज्यांतील औषधनिर्मिती कंपन्यांना भल्यामोठ्या ऑर्डर दिल्या. त्यापोटी पुढील तीन महिन्यांच्या तारखांचे धनादेश देऊन नव्याने ऑर्डर दिल्या आणि पहिल्या ऑर्डरचा धनादेश बँकेत वटण्यापूर्वीच संशयितांनी कार्यालयाला टाळे ठोकून पलायन केले. यात गुजरात व उत्तराखंडमधील कंपन्यांची तब्बल एक कोटी ७३ लाख ७० हजार ३४३ रुपयांची फसवणूक झाल्याचा धक्कादायक प्रकार समोर आला आहे. यामध्ये प्लाक्षा इंडस्ट्रीजचे ७७ लाख ५९ हजार ११६ रुपये आणि सहयोगी जीएनपालचे ९६ लाख ११ हजार २२७ रुपये, अशा एकूण एक कोटी ७३ लाख ७० हजार ३४३ रुपयांच्या मालाचा अपहार करून फसवणूक केल्याप्रकरणी गुन्हा दाखल करण्यात आला आहे.