राष्ट्रकुल क्रीडा स्पर्धेत भारतीय बॉक्सर अंकुश पांघल याने ८० किलो वजनी गटात ऐतिहासिक कामगिरी केली आहे. अंतिम सामन्यात सुरुवातीला मागे पडल्यानंतरही जबरदस्त पुनरागमन करत त्याने यजमान इंग्लंडच्या डिमेझी शिट्टूचा ४-१ असा पराभव केला आणि भारताच्या पदकांमध्ये आणखी एका सुवर्णपदकाची भर घातली.अशा प्रकारे जिंकला अंतिम सामना
सामन्याची सुरुवात अंकुशसाठी सोपी नव्हती. पहिल्या फेरीत इंग्लंडच्या खेळाडूने आक्रमक खेळ करत आघाडी घेतली होती. परंतु, खचून न जाता अंकुशने दुसऱ्या फेरीत अचूक पंच आणि उत्कृष्ट रणनीतीच्या जोरावर सामन्यात जोरदार पुनरागमन केले.
तिसऱ्या फेरीत अंकुशने रिंगमध्ये पूर्णपणे वर्चस्व गाजवले. याच फेरीत प्रतिस्पर्धी खेळाडूचा एक गुण वजा झाल्यामुळे सामन्याचे पााचडे भारताच्या बाजूने झुकले. अखेर पंचांनी ४-१ अशा विभाजित निर्णयाने अंकुशला विजेता घोषित केले.

https://prahaar.in/2026/08/02/india-ranks-fourth-in-the-medal-tally-with-39-medals-historic-performance-by-boxers-on-day-10/

भारतीय बॉक्सिंग पथकाची दमदार कामगिरी

शनिवारी बॉक्सिंग प्रकारात भारताने एकूण ९ पदके जिंकली, ज्यामध्ये ७ सुवर्ण आणि २ रौप्य पदकांचा समावेश आहे.

सुवर्णपदक विजेते: अंकुश पांघल, सचिन सिवाच, अरुंधती, प्रिया, साक्षी, प्रीती आणि जास्मिन.
रौप्यपदक विजेते: लव्हलिना आणि जादुमणी सिंग.तसेच सचिन सिवाचने ६० किलो वजनी गटात नामिबियाच्या खेळाडूचा ३-२ असा पराभव करत सुवर्णपदक पटकावले.

https://prahaar.in/2026/08/02/indian-boxers-won-7-gold-and-3-silver-medals-for-the-first-time-in-96-years/

🏆 भारत चौथ्या स्थानावर:

बॉक्सिंगमधील या यशासह, पुरुषांच्या शॉटपुट आणि ज्युडोमधील पदकांच्या जोरावर भारताने पदक तालिकेत चौथा क्रमांक पटकावला आहे. भारताच्या खात्यात आतापर्यंत ११ सुवर्ण, १६ रौप्य आणि ८ कांस्य अशी एकूण ३५ पदके जमा झाली आहेत.