उरलेले अन्न वाया घालवण्यापेक्षा त्यापासून बनवा ह्या सोप्या रेसिपी

उरलेले अन्न आपण आवडीने खात नाही कारण ते अनेकदा बेचव लागते आणि शरीरासाठी असुरक्षित मानले जाते, पण योग्य कालावधीत आणि योग्य पद्धत वापरून शिळे अन्न पुन्हा पौष्टिक बनवू शकतो.

उरलेल्या भातापासून अनेकदा फोडणीचा भात किंवा दही भात तयार केला जातो. पण पोळ्या अनेकदा फेकून दिल्या जातात किंवा पाळीव प्राण्यांना खायला दिल्या जातात. तुम्हाला आश्चर्य वाटेल पण पोळ्यांपासून तुम्ही अनेक चवदार पदार्थ अगदी कमी साहित्यात आणि कमी वेळेत तयार करू शकता.

उरलेल्या शिळ्या पोळ्या चविष्ट करण्यासाठी काही पाककृती :

चना रोल (Chaana Roll):

साहित्य: उकडलेले चणे, कांदा, टोमॅटो, पावभाजी मसाला आणि उरलेली पोळी.
उकडून घेतलेले चणे तेलात परतून थोडे स्मॅश करून घ्या आणि तेल, जिरे, मिरची, कांदा-टोमॅटो आणि पावभाजी मसाला यांची फोडणी द्या आणि नंतर तयार केलेले मिश्रण पोळीवर पसरवून तव्यावर गरम करा, रोल करा आणि आस्वाद घ्या.

प्रथिने: १४-१६ ग्रॅम (१/२ कप चणे = ८-१० ग्रॅम + पोळी)

https://prahaar.in/2026/07/30/chandrashekhar-bawankule-abhijit-dipke-should-reveal-the-names-of-the-bjp-leaders-who-issued-threats/

राजमा रोल (Rajma roll)

साहित्य: राजमा, कांदा-टोमॅटो, भाजी मसाला आणि उरलेली पोळी.
कांदा आणि टोमॅटोपासून बनवलेल्या करीमध्ये भाजी मसाला घालून राजमा शिजवा. ते कोरडे करून, कांद्याच्या चकत्या आणि लिंबाचा रस घालून रोलसाठी पोळीमध्ये भरा.

प्रथिने: १२–१४ ग्रॅम (½ कप राजमा = ९ ग्रॅम + रोटी)

रोटी-डाळ चिल्ला (Roti-Dal Chilla)

साहित्य: मूग डाळ, मीठ, हळद, हिरवी मिरची आणि उरलेल्या पोळीचे तुकडे.
मूग डाळ भिजवून घ्या आणि मसाले घालून मिक्सरमध्ये बारीक वाटून घ्या. तयार केलेल्या पिठात पोळीचे तुकडे बुडवून तव्यावर नेहमीचे चिल्ले बनवा आणि चटणी किंवा केचपसोबत आस्वाद घ्या.

प्रथिने: १५-१७ ग्रॅम (१ कप डाळीचे पीठ = १४ ग्रॅम + रोटी)

https://prahaar.in/2026/07/30/education-department-issues-notice-to-these-16-schools-in-nashik-district/

रोटी पनीर रॅप (Roti Paneer Rap)

साहित्य: बारीक केलेले पनीर, कांदा-टोमॅटो, मसाले आणि उरलेली पोळी.
पोळी गरम करा आणि कांदा-टोमॅटो व मसाले घालून पनीर परतून सारण तयार करा. हे सारण पोळीमध्ये भरा आणि गुंडाळा तसेच सारण बनवताना, पदार्थाची चव, पोत आणि प्रथिनांचे प्रमाण सुधारण्यासाठी तुम्ही एक चमचा बेसन घालू शकता.

प्रथिने: १८-२० ग्रॅम (१०० ग्रॅम पनीर = १४ ग्रॅम + रोटी)

या ४ सोप्या रेसिपी नाश्त्यासाठी उत्तम पर्याय आहेत. नक्की करून पहा.