नागपूर : मोठ्या नफ्याचे आमिष दाखवून एका महिलेकडून १०.४६ लाख रुपये उकळल्याचा आणि त्यानंतर तिला धमकावून वारंवार लैंगिक अत्याचार केल्याचा धक्कादायक प्रकार नागपुरात उघडकीस आला आहे.या प्रकरणी पाचपावली पोलिसांनी दोन आरोपींविरुद्ध फसवणूक,बलात्कार आणि जीवे मारण्याची धमकी दिल्याप्रकरणी गुन्हा दाखल केला आहे. (nagpur crime)

https://prahaar.in/2026/07/27/nashik-crime-news-robbery-foiled-due-to-dial-112s-alertness-11-suspects-apprehended/

पोलिसांनी दिलेल्या माहितीनुसार,मोहम्मद शाफत शेख (२८)आणि मोहम्मद नावेश शेख (२६)यांनी संबंधित महिलेचा विश्वास संपादन करत तिला मालमत्तेच्या व्यवहारातून मोठा आर्थिक लाभ मिळवून देण्याचे आमिष दाखवले.या बहाण्याने त्यांनी वेळोवेळी वेगवेगळी कारणे सांगून तिच्याकडून एकूण १०.४६ लाख रुपये घेतल्याचा आरोप आहे. (nagpur crime)

तक्रारीनुसार,आर्थिक व्यवहारानंतर आरोपींनी महिलेवर दबाव आणत तिच्याशी जबरदस्तीने शारीरिक संबंध ठेवले.महिलेने विरोध केल्यावर तिला तसेच तिच्या कुटुंबीयांना जीवे मारण्याची धमकी देण्यात आली.हा प्रकार कुणालाही सांगितल्यास गंभीर परिणामांना सामोरे जावे लागेल,अशी धमकीही आरोपींनी दिल्याचे महिलेने तक्रारीत नमूद केले आहे. (nagpur crime)

या धमक्यांमुळे महिला काही काळ गप्प राहिली.मात्र,दोन्ही आरोपींकडून वारंवार लैंगिक अत्याचार होत असल्याने अखेर तिने धाडस करून पाचपावली पोलिस ठाण्यात तक्रार दाखल केली. तक्रारीच्या आधारे पोलिसांनी दोन्ही आरोपींविरुद्ध संबंधित कलमांनुसार गुन्हा नोंदवून तपास सुरू केला आहे. (nagpur crime)

प्राथमिक माहितीनुसार,दोन्ही आरोपी हे एकमेकांचे नातेवाईक आहेत.महिलेसोबत झालेले आर्थिक व्यवहार,उपलब्ध पुरावे आणि इतर बाबींची पोलिसांकडून सखोल चौकशी सुरू असून, आरोपींच्या भूमिकेचा तपास केला जात आहे. (nagpur crime)