शिवसेना (शिंदे गट)चे नेते, माजी मंत्री आणि विधान परिषदेचे उपसभापती सचिन अहिर (Sachin Ahir) यांच्या मुंबईतील निवासस्थानी मोठी चोरी झाल्याची घटना समोर आली आहे. त्यांच्या घरातून सुमारे 2.65 कोटी रुपये किमतीचा मौल्यवान ऐवज चोरीला गेल्याची तक्रार दाखल करण्यात आली असून, या प्रकरणाचा तपास मुंबई गुन्हे शाखेकडून सुरू आहे.

https://prahaar.in/2026/07/16/deputy-speaker-sachin-ahir-is-deputy-speaker-sachin-ahir-upset-over-being-allotted-a-flat-instead-of-a-government-bungalow/

मिळालेल्या माहितीनुसार, ही चोरी एकाच वेळी झालेली नसून टप्प्याटप्प्याने करण्यात आली असावी, असा प्राथमिक अंदाज व्यक्त केला जात आहे. घरातील मौल्यवान वस्तू कमी होत असल्याचे लक्षात आल्यानंतर सचिन अहिर यांनी याची पडताळणी केली. त्यावेळी मोठ्या प्रमाणात दागिने, सोन्याची बिस्किटे आणि इतर मौल्यवान वस्तू गायब असल्याचे उघड झाले. (Mumbai Crime)

चोरी झालेल्या ऐवजात सोन्याची बिस्किटे, हिऱ्यांचे दागिने, चांदीची भांडी आणि काही रोख रकमेचाही समावेश असल्याची माहिती समोर आली आहे. एकूण चोरी झालेल्या मालाची किंमत सुमारे 2.65 कोटी रुपये असल्याचे सांगितले जात आहे. (Theft Case)

या प्रकरणात घरात काम करणाऱ्या एका कर्मचाऱ्यावर संशय व्यक्त करण्यात आला आहे. घरातील मौल्यवान वस्तू कुठे ठेवलेल्या आहेत, घरातील हालचाली आणि ये-जा याची माहिती असलेल्या व्यक्तीनेच ही चोरी केल्याची शक्यता तपास यंत्रणा पडताळून पाहत आहे. (Maharashatra News)

https://prahaar.in/2026/07/24/juhu-beach-why-was-there-a-delay-in-clearing-the-garbage-at-juhu-chowpatty-take-action-against-the-concerned-officials/

प्रकरणाचे गांभीर्य लक्षात घेऊन तपास मुंबई गुन्हे शाखेकडे सोपवण्यात आला आहे. संबंधित व्यक्तींची चौकशी, पुरावे संकलित करणे आणि चोरीला गेलेल्या ऐवजाचा माग काढण्याचे काम सुरू असल्याची माहिती सूत्रांनी दिली आहे.

एका वरिष्ठ राजकीय नेत्याच्या घरात इतक्या मोठ्या प्रमाणात चोरी झाल्याने राजकीय वर्तुळातही या घटनेची चर्चा सुरू झाली आहे. मात्र, तपास पूर्ण होईपर्यंत कोणत्याही निष्कर्षापर्यंत पोहोचणे योग्य ठरणार नसल्याचे पोलीस सूत्रांनी स्पष्ट केले आहे.