डॉक्टरांचा सल्ला; पुढील काही काळ भाषणे, मुलाखतींपासून दूर

मुंबई(Mumbai) : राष्ट्रवादी काँग्रेस शरदचंद्र पवार पक्षाच्या कार्याध्यक्ष आणि खासदार सुप्रिया सुळे यांना घशाच्या त्रासामुळे डॉक्टरांनी आवाजाला पूर्ण विश्रांती देण्याचा सल्ला दिला आहे. त्यामुळे आगामी काही काळ त्या जाहीर भाषणे, राजकीय सभा आणि माध्यमांमधील मुलाखतींपासून दूर राहणार आहेत. सुळे यांनी स्वतः सोशल मीडियाद्वारे यासंदर्भात माहिती दिली असून, पुढील एक ते दोन आठवडे त्या बोलणे पूर्णपणे टाळणार आहेत.(Supriya Sule)

https://prahaar.in/2026/07/18/nitesh-rane-minister-nitesh-rane-pulled-lord-jagannaths-chariot-along-with-his-family/

खासदार सुप्रिया सुळे या राज्यातील विविध राजकीय घडामोडींवर पक्षाची बाजू मांडण्यासाठी आणि जनसंवादासाठी सातत्याने सक्रिय असतात. मात्र, घशाचा त्रास उद्भवल्यामुळे त्यांना आता सार्वजनिक व्यासपीठांवरून काही काळ दूर राहावे लागणार आहे. आपल्या प्रकृतीविषयी माहिती देताना सुप्रिया सुळे यांनी सांगितले की, त्यांनी घसा आणि आवाजाच्या तपासणीसाठी प्रसिद्ध डॉक्टर मिलिंद किर्तणे यांची भेट घेतली होती. तपासणीअंती डॉक्टरांनी त्यांच्या घशात सूज असल्याचे सांगत आवाजाला पूर्ण विश्रांती देण्याचा सल्ला दिला आहे.(Doctor)

https://prahaar.in/2026/07/18/krishnamachari-srikkanth-why-isnt-rahul-playing-at-number-four-instead-of-ishan-srikkanths-direct-question-to-the-indian-team/

डॉक्टरांच्या मार्गदर्शनानुसार सुप्रिया सुळे या पुढील उपचारांचा भाग म्हणून व्हॉईस थेरपी घेणार आहेत. प्रकृतीत सुधारणा होईपर्यंत, म्हणजेच पुढील एक ते दोन आठवडे त्या कोणत्याही जाहीर कार्यक्रमात भाषणे करणार नाहीत, तसेच प्रसारमाध्यमांना मुलाखती देणे किंवा दीर्घकाळ बोलणे टाळणार आहेत. दरम्यान, २० जुलैपासून संसदेचे पावसाळी अधिवेशन सुरू होत आहे. त्यामुळे अधिवेशन काळात पहिले दोन आठवडे सुप्रिया सुळे मौन दिसतील.