नवी दिल्ली : तब्बल दोन वर्षांनंतर पुन्हा एकदा खग्रास सूर्यग्रहणाचे साक्षीदार होण्याची संधी जगाला मिळणार आहे. आता १२ ऑगस्ट २०२६ रोजी होणाऱ्या या दुर्मिळ खगोलीय घटनेत चंद्र सूर्याला झाकून टाकणार असून, काही भागांत दिवसा काही मिनिटांसाठी अंधाराचे वातावरण निर्माण होणार आहे. मात्र, हे सूर्यग्रहण भारतातून दिसणार नसल्याने भारतीय नागरिकांना ते प्रत्यक्ष पाहता येणार नाही.हे खग्रास सूर्यग्रहण पूर्व ग्रीनलँड, पश्चिम आइसलँड, उत्तर स्पेन आणि पोर्तुगालच्या काही भागांत व्यवस्थित दिसणार आहे. या भागांतील सुमारे दीड कोटी लोकांना चंद्राने झाकलेला सूर्य पाहण्याचा अनोखा अनुभव मिळणार आहे. ग्रहणाच्या पूर्ण अवस्थेत सूर्य सुमारे दोन ते अडीच मिनिटे झाकला जाईल. हा कालावधी २०२४ मधील उत्तर अमेरिकेतील खग्रास सूर्यग्रहणापेक्षा कमी असला तरी खगोलप्रेमींसाठी ही घटना महत्त्वाची असणार आहे.

https://prahaar.in/2026/07/16/karjat-lonavala-railway-route-fully-restored-several-express-trains-to-resume-original-route-from-july-17/

या ग्रहणाचे वैशिष्ट्य काय ?

या सूर्यग्रहणाच्या अवघ्या २४ तासांत पर्सिड उल्कावर्षाव (Perseid Meteor Shower) शिखरावर पोहोचणार आहे. त्यामुळे सूर्यग्रहणानंतर रात्री आकाशात उल्कांचा नेत्रदीपक वर्षाव पाहण्याची संधी मिळणार आहे. त्यामुळे १२ ऑगस्ट हा दिवस खगोलशास्त्राच्या दृष्टीने अत्यंत खास ठरणार आहे. युरोप आणि उत्तर अमेरिकेतील अनेक भागांत खंडग्रास सूर्यग्रहण दिसेल, तर भारतासह अनेक आशियाई देशात हे सूर्यग्रहण दिसणार नाही. (Solar Eclipse )

https://prahaar.in/2026/07/16/ahilyanagar-district-cooperative-bank-election-challenged-in-high-court/

पुढच्या वर्षात सूर्यग्रहण कधी दिसणार ?

यानंतरचे खग्रास सूर्यग्रहण दोन ऑगस्ट २०२७ रोजी उत्तर आफ्रिका आणि मध्य पूर्वेतील काही भागांत दिसणार आहे. हे ग्रहण तब्बल सहा मिनिट २३ सेकंद टिकणार असल्याने ते या शतकातील सर्वात लांब खग्रास सूर्यग्रहणांपैकी एक असेल.(Solar Eclipse)