भिवंडी : राज्यभरात गाजत असलेल्या शिक्षक पात्रता परीक्षा (टीईटी) प्रश्नपत्रिका फुटी प्रकरणात मोठी घडामोड झाली आहे. या प्रकरणात अटक करण्यात आलेल्या चारही आरोपींना भिवंडी न्यायालयाने १८ जुलैपर्यंत न्यायालयीन कोठडी सुनावली आहे. (TET Exam Paper Leak)

यापूर्वी न्यायालयाने या चारही आरोपींना ६ जुलैपर्यंत पोलीस कोठडी सुनावली होती. पोलीस कोठडीची मुदत संपल्यानंतर सोमवारी आरोपींना भिवंडी येथील न्यायाधीश एस. एम. सुतार यांच्या न्यायालयात हजर करण्यात आले. दोन्ही बाजूंचा युक्तिवाद ऐकल्यानंतर न्यायालयाने सर्व आरोपींना १८ जुलैपर्यंत न्यायालयीन कोठडीत ठेवण्याचे आदेश दिले. (TET Exam Paper Leak)

https://prahaar.in/2026/07/06/maharashtra-monsoon-session-2026-ministers-and-mlas-arriving-for-the-session-also-hit-by-the-rains-proceedings-adjourned/

या प्रकरणातील आरोपींमध्ये हरियाणातील धीरज बलराज सिंग, बिहारमधील राजीव शॉ, आकाशकुमार स्वराजकुमार तसेच या घोटाळ्याचा मुख्य सूत्रधार मानल्या जाणाऱ्या बिजेंदर कुमार गुप्ता याची पत्नी सुमनकुमारी गुप्ता यांचा समावेश आहे. (TET Exam Paper Leak)

टीईटी परीक्षेच्या प्रश्नपत्रिका फुटीमुळे राज्यभरातील लाखो उमेदवारांमध्ये संतापाची लाट उसळली होती. या गैरप्रकाराचा तपास सुरू असून, या रॅकेटमध्ये आणखी काही जणांचा सहभाग आहे का, याचा शोध तपास यंत्रणा घेत आहेत. आरोपींकडून जप्त करण्यात आलेल्या कागदपत्रे, मोबाईल फोन आणि डिजिटल पुराव्यांचीही तपासणी सुरू असल्याची माहिती सूत्रांकडून मिळत आहे. (TET Exam Paper Leak)

https://prahaar.in/2026/07/06/minister-shivendrasinhraje-bhosale-public-works-minister-rushes-to-the-site-after-a-landslide-on-the-mumbai-pune-missing-link-no-damage-to-the-tunnel/

या बहुचर्चित प्रकरणाचा पुढील तपास सुरू असून, तपासात आणखी धक्कादायक खुलासे होण्याची शक्यता वर्तवली जात आहे.