एका पंधरवड्यात ६ हजार कोटी रुपयांचे ड्रग्ज जाळणार

नवी दिल्ली : पुढील १५ दिवसांत संपूर्ण देशात ६००० कोटी रुपये किमतीचे दोन लाख किलोपेक्षा जास्त ड्रग्ज जाळले जाणार आहेत. गृहमंत्री अमित शाह (AmitShah) शुक्रवारी ‘नार्को को-ऑर्डिनेशन सेंटर’ (ENCORE) च्या १० व्या बैठकीदरम्यान ड्रग्ज नष्ट करण्याच्या पंधरवड्याची (Fortnight) सुरुवात करतील. यासोबतच, शाह आगामी तीन वर्षांसाठी अंमली पदार्थांच्या तस्करीवर नियंत्रण मिळवण्यासाठी तयार केलेले ‘व्हिजन डॉक्युमेंट’ देखील जारी करतील.

https://prahaar.in/2026/06/26/it-is-mandatory-for-the-face-to-be-visible-on-cctv-during-the-tet-exam/

गृह मंत्रालयाच्या सूत्रांनुसार, शुक्रवारी एनकोर्डच्या बैठकीत अंमली पदार्थांच्या समस्येशी निपटण्यासाठी सुरू असलेल्या सामूहिक राष्ट्रीय प्रयत्नांचा आढावा घेतला जाईल. मोदी सरकारचे ड्रग्जविरोधात ‘झिरो टॉलरन्स’ धोरण असून, अमित शाह यांनी स्पष्ट केले आहे की, भारतात एक ग्रॅमही ड्रग्ज येऊ दिले जाणार नाही आणि भारतातून दुसऱ्या देशातही एक ग्रॅम ड्रग्ज जाऊ दिले जाणार नाही.

https://prahaar.in/2026/06/26/implement-measures-to-provide-more-effective-healthcare-facilities-for-women-and-children/

एनकोर्डची स्थापना याच उद्देशाने करण्यात आली आहे. हायब्रिड मोडमध्ये बोलावलेल्या या बैठकीत ४४ केंद्रीय मंत्रालयांचे प्रमुख आणि ड्रग्जविरुद्ध काम करणाऱ्या एजन्सींचे शंभरहून अधिक अधिकारी उपस्थित राहतील. जप्त केलेले ड्रग्ज नष्ट करण्यासाठी संपूर्ण देशात पंधरवडा साजरा केला जातो, ज्यामध्ये विविध ठिकाणी ड्रग्ज जाळण्याचे काम केले जाते