भारताचे पंतप्रधान नरेंद्र मोदी (PM Narendra Modi) यांना स्लोव्हाकियाचा सर्वोच्च नागरी सन्मान ‘ऑर्डर ऑफ द व्हाईट डबल क्रॉस (प्रथम श्रेणी)’ प्रदान करण्यात आला आहे. स्लोव्हाकियाचे पंतप्रधान रॉबर्ट फिको यांनी सोमवारी (१५ जून २०२६) राजधानी ब्रातिस्लावा येथे हा सन्मान पंतप्रधान मोदींना प्रदान केला.

हा सन्मान स्वीकारल्यानंतर पंतप्रधान मोदी (PM Narendra Modi) यांनी स्लोव्हाकिया सरकार आणि तेथील जनतेचे आभार मानले. त्यांनी या गौरवाला भारत आणि स्लोव्हाकिया यांच्यातील दृढ आणि दीर्घकालीन मैत्रीला समर्पित केल्याचे सांगितले. “हा सन्मान भारताच्या १.४ अब्ज नागरिकांचा आहे,” असेही त्यांनी आपल्या प्रतिक्रियेत म्हटले.

या पुरस्कारासह पंतप्रधान नरेंद्र मोदी (PM Narendra Modi) यांना जगातील ३३ देशांकडून सर्वोच्च नागरी सन्मान मिळाल्याची नोंद झाली आहे. याआधी ३२ देशांनी त्यांना अशा प्रकारचे सन्मान प्रदान केले आहेत.

https://prahaar.in/2026/06/16/pm-modi-in-france-for-g7-summit-important-meetings-with-other-world-leaders/

दरम्यान, स्लोव्हाकियाचे पंतप्रधान रॉबर्ट फिको यांनीही मोदींच्या नेतृत्वाचे कौतुक केले. त्यांनी भारतातील राजकीय स्थैर्य आणि सलग १२ वर्षे पंतप्रधानपद भूषवण्याच्या मोदींच्या कामगिरीला “राजकीय चमत्कार” असे संबोधले. ब्रातिस्लावामध्ये झालेल्या संयुक्त पत्रकार परिषदेत फिको म्हणाले की, एवढ्या विविध आणि गुंतागुंतीच्या राजकीय वातावरणात दीर्घकाळ नेतृत्व टिकवणे ही अत्यंत उल्लेखनीय कामगिरी आहे. (PM Narendra Modi)

https://prahaar.in/2026/06/15/what-did-prime-minister-modi-say-about-the-friendship-between-india-and-slovakia/

पंतप्रधान फिको यांनी पुढे सांगितले की, भारताची लोकशाही आणि नेतृत्व क्षमता जागतिक स्तरावर प्रेरणादायी आहे. मोदींचे दीर्घकालीन नेतृत्व हे भारताच्या स्थिर राजकीय व्यवस्थेचे प्रतीक असल्याचेही त्यांनी नमूद केले. या सन्मानामुळे भारत आणि स्लोव्हाकिया यांच्यातील राजनैतिक संबंध अधिक मजबूत होतील, अशी अपेक्षा व्यक्त केली जात आहे. (PM Narendra Modi)

 

View this post on Instagram

 

A post shared by Prahaar Newsline (@prahaarnewsline)