मुंबई : कॉमेडियन प्रणित मोरे वाद प्रकरण अद्याप चर्चेत असतानाच आणखी एका स्टँड-अप कॉमेडियनचा जुना व्हिडिओ सोशल मीडियावर (Social Media) व्हायरल (Viral) झाला आहे. स्टँड-अप कॉमेडियन (Stand-Up Comedian) मधुर विर्ली (Madhur Virli) याच्यावर बलात्कारासारख्या संवेदनशील विषयावर विनोद केल्याचा आरोप होत असून, त्याच्या व्हिडिओमुळे सोशल मीडियावर तीव्र प्रतिक्रिया उमटत आहेत.
मिळालेल्या माहितीनुसार, हा व्हिडिओ २०२४ मध्ये झालेल्या ‘Love and Latex’ या शोमधील असल्याचे सांगितले जात आहे. प्रणित मोरे प्रकरणानंतर नेटकऱ्यांचे लक्ष या व्हिडिओकडे गेले असून, त्यामधील एका कथित विनोदावरून वाद निर्माण झाला आहे.
https://prahaar.in/2026/06/14/husband-pushes-wife-and-two-children-into-a-well-then-commits-suicide-by-hanging-himself/
व्हिडिओमध्ये मधुर विर्ली बलात्काराच्या घटनांचा संदर्भ देत एक विनोद सादर करताना दिसत आहे. त्यानंतर केलेल्या वक्तव्यांवर कार्यक्रमस्थळी उपस्थित काही प्रेक्षक हसताना आणि टाळ्या वाजवताना दिसतात. मात्र, हा व्हिडिओ सोशल मीडियावर समोर आल्यानंतर अनेकांनी त्यावर तीव्र नाराजी व्यक्त केली आहे.
Dear @DelhiPolice,
Strict action should be taken against this comedian, Madhur Virli.
This is completely unacceptable. We cannot normalize this kind of behavior in society. In the name of comedy, these people are making fun of a victim on a very sensitive topic like rape which… pic.twitter.com/fYvZf6cLOO
— Nalini Unagar (@NalinisKitchen) June 13, 2026
नेटकऱ्यांचे म्हणणे आहे की, बलात्कार हा अत्यंत गंभीर आणि संवेदनशील विषय असून अशा घटनांमुळे पीडितांच्या आयुष्यावर दीर्घकालीन परिणाम होतात. त्यामुळे अशा विषयांवर विनोद करणे अयोग्य असल्याच्या प्रतिक्रिया मोठ्या प्रमाणात व्यक्त केल्या जात आहेत. दरम्यान, व्हिडिओ व्हायरल (Video Viral) झाल्यानंतर मधुर विर्लीने आपली काही सोशल मीडिया खाती हटवली किंवा निष्क्रिय (Deactive) केली असल्याची चर्चा सोशल मीडियावर सुरू आहे. मात्र, याबाबत त्याच्याकडून अधिकृत प्रतिक्रिया आलेली नाही.
https://prahaar.in/2026/06/14/horrific-accident-on-the-bhandara-sakoli-highway-speeding-unidentified-vehicle-hits-two-killed-on-the-spot/
या प्रकरणानंतर स्टँड-अप कॉमेडीच्या (Stand-Up Comedy) मर्यादा, अभिव्यक्ती स्वातंत्र्य आणि सामाजिक जबाबदारी यावर पुन्हा एकदा चर्चा सुरू झाली आहे. काही जणांनी अशा प्रकारच्या कार्यक्रमांवर कठोर नियम लागू करण्याची मागणी केली आहे, तर काहींनी अभिव्यक्ती स्वातंत्र्य आणि विनोद यांच्यातील सीमारेषेबाबत प्रश्न उपस्थित केले आहेत.