Nashik  : सिडको परिसरातील अनेक भागांमध्ये अद्यापही उघड्या वीजतारा घरांच्या छतांवरून व निवासी वस्त्यांमधून जात असल्याने नागरिकांच्या सुरक्षिततेचा प्रश्न ऐरणीवर आला आहे. पूर्वी अशा वीजतारांमुळे अनेक दुर्घटना घडल्या असून भविष्यात मोठी जीवितहानी टाळण्यासाठी उर्वरित भागातील वीजवाहिन्या तातडीने भूमिगत करण्याची मागणी नागरिकांनी केली आहे.सिडकोत विजेचा तारांचा शॉक लागून आज पर्यत ८ ते १० जणांचा मृत्यू झाला आहे .

सिडको भागात यापूर्वी घरांच्या वरून गेलेल्या वीजतारांचा शॉक लागून अनेक लहान मुले, महिला तसेच नागरिक गंभीर जखमी झाले असून काहींना आपला जीवही गमवावा लागला आहे. जुने सिडको परिसरात घराच्या पहिल्या मजल्यावर कपडे वाळत टाकताना एका महिलेचा विजेचा धक्का लागून मृत्यू झाल्याची घटना घडली होती. तसेच जुने सिडको, विजयनगर, सावतानगर आदी भागांमध्ये पतंग उडविताना घरांवरील वीजतारांचा संपर्क आल्याने अनेक शाळकरी मुलांचे बळी गेले आहेत.

https://prahaar.in/2026/06/09/major-revelation-in-the-ashok-kharat-case/

उत्तमनगर परिसरात तर एका घरातील तीन महिलांना पहिल्या मजल्यावर विजेचा शॉक लागून गंभीर दुखापत होऊन त्यांचा मृत्यृ झालेला आहे. अशा अनेक दुर्घटनांनंतरही काही भागांमध्ये उघड्या वीजतारा कायम असल्याने नागरिकांमध्ये भीतीचे वातावरण आहे.

सध्या खोडेमळा परिसरातील वृंदावन नगर, महाराणा प्रताप चौक, पवननगर, हेडगेवार नगर तसेच लगतच्या वसाहतींमध्ये वीजतारा घरांच्या अगदी जवळून गेल्या आहेत. वाढती लोकसंख्या, घरांचे वाढलेले मजले आणि अरुंद जागेमुळे धोका अधिक वाढला आहे.

सिडकोत उघड्या विजेचा तारांचा शॉक लागून आता पर्यत ८ ते १० जणांचा मृत्यू झाला आहे . महावितरण व संबंधित प्रशासनाने या भागांची पाहणी करून उर्वरित सर्व वीजवाहिन्या भूमिगत करण्यासाठी विशेष योजना राबवावी, अशी मागणी नागरिकांनी केली आहे. संभाव्य दुर्घटना टाळण्यासाठी तातडीने कार्यवाही होणे आवश्यक असल्याचे मत परिसरातील रहिवाशांनी व्यक्त केले आहे.