न्यू चंदिगड : भारत आणि अफगाणिस्तान यांच्यातील एकमेव कसोटी सामना न्यू चंदिगडमधील महाराजा यादविंद्र सिंग स्टेडियममध्ये सुरू आहे. या सामन्यात नाणेफेक जिंकून प्रथम फलंदाजी करणाऱ्या भारताने दुसऱ्या दिवशी उपहारापर्यंत (लंच) सहा बाद ४७५ धावा केल्या आहेत. वॉशिंग्टन सुंदर १४ धावांवर आणि मानव सुथार शून्य धावांवर खेळत आहे.

https://prahaar.in/2026/06/07/mumbai-today-weather-news/

याआधी पहिल्या दिवशी भारताने ८५ षटकांत ३ बाद ३६८ धावा केल्या होत्या. तिथून पुढे सुरुवात करत भारताने दुसऱ्या दिवशी उपहारापर्यंत आणखी तीन गडी गमावले आणि सहा बाद ४७५ धावा एवढी मजल मारली. सामन्याच्या दुसऱ्या दिवशी सकाळच्या सत्रात गिल, ध्रुव जुरेल आणि ऋषभ पंत हे तिघे बाद झाले.

https://prahaar.in/2026/06/07/suspicious-death-of-a-person-during-a-live-concert-in-worli-police-investigating-from-a-drug-angle/

भारताकडून आतापर्यंत यशस्वी जयस्वालने २४, केएल राहुलने १००, साई सुदर्शनने ८१, कर्णधार शुभमन गिलने १२६, ऋषभ पंतने ८१, ध्रुव जुरेलने १९ धावांचे योगदान दिले आहे. गिल आणि केएल राहुल या दोघांची शतकी खेळी तसेच साई सुदर्शन आणि ऋषभ पंतची अर्धशतकी खेळी या व्यतिरिक्त ध्रुवने झटपट काढलेल्या धावा यामुळे भारतीय संघ ५०० च्या उंबरठ्यावर आहे. अफगाणिस्तानकडून मोहम्मद सलीम साफीने चार तर कर्णधार हशमतुल्लाह शाहिदी आणि झियाउर रहमान शरीफीने प्रत्येकी एक विकेट घेतली.

https://prahaar.in/2026/06/07/whatsapp-new-view-once-text-feature/

यशस्वी जयस्वाल ३२ चेंडूत ५ चौकारांसह २४ धावा

केएल राहुल १६५ चेंडूत ११ चौकारांसह १०० धावा

साई सुदर्शन १०४ चेंडूत १३ चौकारांसह ८१ धावा

शुभमन गिल १७७ चेंडूत १५ चौकार आणि एक षटकार मारत १२६ धावा

ऋषभ पंत १२१ चेंडूत ६ चौकार आणि तीन षटकार मारत ८१ धावा

ध्रुव जुरेल २० चेंडूत ४ चौकारांसह १९ धावा