Nashik TCS Case : नाशिकमधील बहुचर्चित टीसीएस कंपनीतील (TCS Company) तरुणीच्या धर्मांतराचा प्रयत्न आणि लैंगिक शोषण प्रकरणाने सर्वानाच हादरवून सोडले आहे. या प्रकरणातील मुख्य संशयित निदा खान (Nida Khan) ही अनेक दिवस पोलिसांना गुंगारा देत होती. अखेर पोलिसांनी तिला छत्रपती संभाजीनगरमधून (Chhatrapati Sambhajinagar) ताब्यात घेतले.

दरम्यान, TCS प्रकरणात मुख्य संशयित असलेल्या निदा एजाज खानला (Nida Khan) छत्रपती संभाजीनगरमध्ये आश्रय दिल्याचा एमआयएमचे नगरसेवक मतीन पटेल यांच्यावर आरोप आहे. सोमवारी (दि. १) नाशिक पोलिसांसमोर हजर झाले. या गुंतागुंतीच्या प्रकरणात तांत्रिक पुरावे भक्कम करण्यासाठी पोलिसांनी मतीन पटेल (Matin Patel) यांच्या आवाजाचे नमुने (व्हाईस सॅम्पल्स) घेतले आहे, त्यामुळे तपासाला एक नवा अँगल मिळाला आहे.

https://prahaar.in/2026/06/02/cabinet-approves-farmer-loan-waiver/

आवाजाचे नमुने फॉरेन्सिक लॅबकडे जाणार

पोलिसांच्या प्राथमिक तपासात गंभीर माहिती समोर आली आहे. निदा खानला छत्रपती संभाजीनगर येथे सुरक्षित आश्रय मिळवून देण्यासाठी मतीन पटेल (Matin Patel)  याने तेथील घरमालक हनीफ याच्याशी फोनवर संपर्क साधला होता. पोलिसांनी (Police) या गुन्ह्यातील मुख्य दुवा असलेला मोबाईल फोन आधीच जप्त केला आहे. मात्र, रेकॉर्डिंगमधील आवाज मतीन पटेल यांचाच आहे की नाही, हे कायदेशीर व तांत्रिकदृष्ट्या सिद्ध करण्याचे मोठे आव्हान पोलिसांसमोर आहे.

याच पार्श्वभूमीवर सोमवारी घेण्यात आलेले आवाजाचे नमुने आता फॉरेन्सिक लॅबकडे पाठवले जाणार आहेत. हा फॉरेन्सिक अहवाल मतीन पटेल यांच्या अडचणीत वाढ करणार की त्यांना दिलासा देणार, याकडे सर्वांचे लक्ष लागले आहे. मतीन पटेल यांना अद्याप अटक करण्यात आलेली नसली, तरी संशयिताला आश्रय दिल्याप्रकरणी त्यांच्यावर गुन्हा दाखल आहे. पुढील ३ ते ४ दिवसांत त्यांना पुन्हा चौकशीसाठी हजर राहण्याचे समन्स बजावण्यात आल्याची माहिती आहे.