मुंबई  : जागतिक पर्यावरण दिनाच्या पार्श्वभूमीवर महिलांना रोजगाराच्या संधी उपलब्ध करून देत पर्यावरणपूरक वाहतुकीला चालना देण्यासाठी महाराष्ट्रात विशेष उपक्रम सुरू करण्यात आला आहे. या उपक्रमाच्या उद्घाटनावेळी मुख्यमंत्री देवेंद्र फडणवीस (CM Devendra Fadnavis) यांच्या पत्नी अमृता फडणवीस (Amruta Fadnavis) यांनी गुलाबी ई-रिक्षा (E Riksha) चालवत या मोहिमेला पाठिंबा दर्शवला.

https://prahaar.in/2026/06/02/salman-khan-salman-khan-objects-to-film-titled-kala-hiran-sends-direct-legal-notice-to-producers/

मुंबईत आयोजित कार्यक्रमात महिलांसाठी खास तयार करण्यात आलेल्या गुलाबी ई-रिक्षांचे लोकार्पण करण्यात आले. या उपक्रमाचा मुख्य उद्देश कमी उत्पन्न गटातील महिलांना स्वावलंबी बनवणे आणि त्यांना शाश्वत रोजगार उपलब्ध करून देणे हा आहे. यासोबतच प्रदूषणमुक्त वाहतुकीलाही प्रोत्साहन देण्याचा प्रयत्न करण्यात येत आहे.

https://prahaar.in/2026/06/02/deool-band-2-delivers-a-strong-performance-at-the-box-office-earns-this-many-crores-in-12-days/

कार्यक्रमादरम्यान अमृता फडणवीस यांनी महिला लाभार्थींशी संवाद साधला. त्यांनी सांगितले की, ई-रिक्षा हा केवळ वाहतुकीचा पर्याय नसून महिलांच्या आर्थिक सक्षमीकरणासाठी एक महत्त्वाचे साधन ठरू शकतो. या माध्यमातून महिलांना स्वतःचे उत्पन्न मिळवण्याची संधी उपलब्ध होणार आहे.

https://prahaar.in/2026/06/02/gained-trust-gained-entry-then-struck-for-%e2%82%b925-lakhs-major-shock-for-actress-raveena-tandons-family/

या योजनेअंतर्गत पात्र महिलांना ई-रिक्षा खरेदीसाठी आर्थिक मदत दिली जात आहे. बँकांकडून मोठ्या प्रमाणात कर्ज उपलब्ध करून दिले जाते, तर शासनाकडूनही आर्थिक सहाय्य दिले जाते. काही स्वयंसेवी संस्था देखील लाभार्थींना आवश्यक निधी उभारण्यासाठी मदत करत आहेत.

#WATCH | Mumbai: Amruta Fadnavis, wife of Maharashtra CM Devendra Fadnavis, drives an autorickshaw as she attends the launch of Pink E-Rickshaw support initiative on World Environment Day under Bhamla Foundation’s Women-Led Green Mobility Program. pic.twitter.com/FOOKreLMAM

— ANI (@ANI) June 1, 2026

मुंबईत पुढील काळात १,००० गुलाबी ई-रिक्षा रस्त्यावर आणण्याचे उद्दिष्ट ठेवण्यात आले आहे. या प्रकल्पामुळे महिलांना रोजगार मिळण्याबरोबरच शहरातील कार्बन उत्सर्जन कमी करण्यासही मदत होणार आहे.

पर्यावरण संवर्धन आणि महिला सक्षमीकरण या दोन्ही उद्दिष्टांना एकत्र जोडणाऱ्या या उपक्रमाचे अनेक स्तरांतून स्वागत होत आहे. सोशल मीडियावरही या कार्यक्रमाची चर्चा रंगली असून अमृता फडणवीस यांच्या सहभागाचे कौतुक केले जात आहे.