खासदार नारायण राणे; ‘सरसकट’ शब्दाला माझा विरोध

मुंबई : “मराठा आणि कुणबी हे दोन्ही समाजघटक वेगळे असून, मराठ्यांना सरसकट कुणबीमधून आरक्षण देण्याच्या मागणीला माझा विरोध आहे,” अशी भूमिका भाजप खासदार नारायण राणे यांनी शनिवारी मांडली. मुंबईत प्रसारमाध्यमांशी संवाद साधताना ते बोलत होते.

https://prahaar.in/2026/05/30/bjps-ganesh-geete-files-two-applications/

खा. राणे म्हणाले, राज्यात तापमान ४० अंशांच्या पुढे गेले असताना अशा आंदोलनांना परवानगी का दिली जाते? उद्या जरांगेंच्या जीवाला काही धोका निर्माण झाला, तर त्याचे खापर सरकारवरच फुटणार आहे. मग सरकारचे मंत्री तिथे जाऊन भेटीगाठी का घेत आहेत?”, असा सवालही त्यांनी उपस्थित केला. “मराठ्यांच्या आरक्षणाच्या प्रश्नाला सरकारकडून नेहमीच विलंब लावला जातो. आताही केवळ श्रेय घेण्यासाठी जो तो उठतोय आणि जरांगेंना भेटायला अंतरवालीत धाव घेतोय. या भेटीगाठींमधून निष्पन्न काहीच होत नाही. त्यापेक्षा जरांगेंचे जे म्हणणे आहे, ते समोर ठेवून सरकारने ठोस निर्णय घ्यावा आणि मराठ्यांना त्यांचे हक्काचे आरक्षण द्यावे,” असा सल्ला त्यांनी दिला.

https://prahaar.in/2026/05/30/former-minister-prajakta-tanpure-joins-bjp/

“मराठे आणि कुणबी यांच्यात फरक आहे. कुणबी समाजाला त्यांच्या हक्काचे आरक्षण मिळतच आहे, त्याला आमचा विरोध असण्याचे कारण नाही. परंतु, सरसकट सर्वच मराठ्यांना कुणबी प्रमाणपत्रे देऊन ओबीसींमध्ये समाविष्ट करणे योग्य नाही. मराठा समाज हा या राज्यात ३२ टक्के आहे, त्यामुळे त्यांचा स्वतंत्र आरक्षणाचा प्रश्न सरकारने प्राधान्याने आणि अत्यंत गांभीर्याने हाताळला पाहिजे,” अशी मागणी खा. नारायण राणे यांनी केली.