Nashik : TCS प्रकरण रोज नवीन वळण घेत आहे. या प्रकरणात संशयित आरोपींचा जेवढा विरोध होत आहे तितकाच संशयितांना पाठिंबा देखील मिळत आहे. टीसीएस कंपनीत काम करणाऱ्या अविवाहित तरुणींवर बलात्कार आणि बळजबरीने धर्मांतर केल्याचा आरोप आहे. राज्यभर चर्चेत असलेल्या या प्रकरणातील संशयित आरोपींच्या समर्थनार्थ आता ‘मायनॉरिटी डिफेन्स कमिटी’ पुढे आली आहे. संशयित आरोपींच्या समर्थनार्थच कमिटी समोर आल्याने आश्यर्य व्यक्त केले आहे. (Nashik TCS case)

दरम्यान, TCS प्रकरणातील संशयित निदा खानला आश्रय दिल्याप्रकरणी अडकलेले ‘एमआयएम’चे (MIM) नगरसेवक मतीन पटेल (Mateen Patel) आज नाशिक पोलिसांसमोर हजर होण्याची शक्यता आहे. या प्रकरणात दोषारोपपत्र दाखल झाल्यानंतर पोलिसांनी मतीन पटेल यांना नोटीस बजावली आहे. ही नोटीस मिळताच पटेल यांनी नरमाईची भूमिका घेतली असून, ते आज (सोमवारी) नाशिक शहर पोलिसांना शरण येण्याची शक्यता सूत्रांनी वर्तवली आहे.

https://prahaar.in/2026/05/25/congress-news-more-than-39-congress-corporators-from-chandrapur-are-not-reachable/

संशयित आरोपींच्या बाजूने ‘मायनॉरिटी डिफेन्स कमिटी’ 

इस्लाम पार्टीचे संस्थापक अध्यक्ष आणि माजी आमदार आसिफ शेख (Asif Shaikh) यांनी आरोपींच्या कुटुंबीयांची भेट घेतल्यानंतर या प्रकरणावर मोठे वक्तव्य केले आहे. या प्रकरणातील मुख्य संशयित निदा खानसह इतर ६ आरोपींच्या बाजूने ‘मायनॉरिटी डिफेन्स कमिटी’ उभी राहणार असल्याचे त्यांनी जाहीर केले आहे. ‘भोंदू अशोक खरात प्रकरण’ दाबण्यासाठीच हे प्रकरण जाणीवपूर्वक पुढे आणण्यात आले असून, टीसीएस (TCS) प्रकरणात कोणतेही तथ्य नसल्याचा दावा शेख यांनी केला आहे. निदा खान यांच्यावर झालेले आरोप हे खोटे असून, न्यायालयात होणाऱ्या सुनावणीच्या वेळी आपण स्वतः हजर राहणार असल्याचेही शेख यांनी स्पष्ट केले.

व्हॉट्सॲप चॅटमधून धक्कादायक खुलासे

दरम्यान, पोलीस तपासात संशयित निदा एजाज खान हिने तिच्या एका नातेवाईकासोबत केलेल्या व्हॉट्सॲप चॅटिंगमधून अत्यंत महत्त्वपूर्ण आणि धक्कादायक खुलासे झाले आहेत. संशयितांनी रचलेल्या कटानुसार पीडित तरुणीचे वर्तन सुरू झाल्यावर, तिचे नाव बदलून ‘हानिया’ असे ठेवण्यात आल्याचे या चॅटिंगवरून निष्पन्न झाले आहे. या पुराव्यांमुळे पोलिसांच्या तपासाला मोठी गती मिळाली आहे. मात्र संशयितांच्या बाजूने कमिटी उभी राहिल्याने आता प्रकरणाला वेगळे वळण मिळण्याची शक्यता आहे.

https://prahaar.in/2026/05/25/drama-queen-rakhi-sawant-became-emotional/

नगरसेवक मतीन पटेल पोलिसांना शरण येणार?

याच गुन्ह्यात निदा खान फरार असताना तिला आश्रय दिल्याप्रकरणी छत्रपती संभाजीनगरमधील एमआयएमचे नगरसेवक मतीन पटेल यांना सहसंशयित करण्यात आले आहे. त्यांच्या विरोधात देवळाली कॅम्प पोलीस ठाण्यात गुन्हा दाखल करण्यात आला आहे. यापूर्वी नाशिक गुन्हे शाखेचे पथक पटेल यांच्या शोधार्थ संभाजीनगरमध्ये गेले होते, मात्र ते हाती लागले नव्हते. आता या प्रकरणात दोषारोपपत्र दाखल झाल्यानंतर पोलिसांनी पटेल यांना नोटीस बजावली आहे. ही नोटीस मिळताच पटेल यांनी नरमाईची भूमिका घेतली असून, ते आज (सोमवारी) नाशिक शहर पोलिसांना शरण येण्याची शक्यता सूत्रांनी वर्तवली आहे. बजावलेल्या नोटिशीप्रमाणे मतीन पटेल आज हजर राहणार का, याकडे संपूर्ण नाशिकचे लक्ष लागून आहे.