पुणे : नसरापूर अत्याचार प्रकरणाच्या न्यायालयीन प्रक्रियेला अखेर सुरुवात झाली असून, या प्रकरणात आता महत्त्वाच्या घडामोडींना वेग आला आहे. पुणे ग्रामीण पोलिसांनी अवघ्या १५ दिवसांत तब्बल ११०० पानांचे दोषारोपपत्र न्यायालयात दाखल केल्यानंतर या खटल्याची सुनावणी सुरू झाली. काल या प्रकरणाची पहिली महत्त्वाची सुनावणी पार पडली असून, सुरक्षा आणि तांत्रिक कारणांमुळे मुख्य आरोपीला व्हिडिओ कॉन्फरन्सिंगद्वारे न्यायालयासमोर हजर करण्यात आले होते.

https://prahaar.in/2026/05/22/fatal-acid-attack-on-young-woman-in-pune/

या सुनावणीदरम्यान तपास अधिकाऱ्यांनी न्यायालयासमोर दोन महत्त्वाचे अर्ज सादर केले. प्रकरणाचे गांभीर्य, आरोपीची गुन्हेगारी पार्श्वभूमी आणि तपासातील संवेदनशील बाबी लक्षात घेता पोलिसांनी आरोपीची ओळख परेड घेण्याची परवानगी मागितली. पीडित आणि साक्षीदारांच्या माध्यमातून आरोपीची अधिकृत ओळख निश्चित करण्यासाठी ही प्रक्रिया आवश्यक असल्याचे पोलिसांनी न्यायालयाला सांगितले. याशिवाय आरोपीची मानसिक स्थिती तपासण्यासाठी त्याची मानसिक वैद्यकीय चाचणी करण्याचीही विनंती करण्यात आली.

न्यायालयाने तपास अधिकाऱ्यांचे दोन्ही अर्ज ग्राह्य धरत पोलिसांची मागणी मान्य केली आहे. त्यानुसार आता आरोपीची मानसिक वैद्यकीय तपासणी केली जाणार असून, पुढील तपासात त्याचा उपयोग होणार आहे. तसेच कोणत्याही आरोपीला कायद्यानुसार स्वतःची बाजू मांडण्याचा अधिकार असल्याने न्यायालयाने आरोपीला कायदेशीर मदत उपलब्ध करून देण्याचे निर्देशही दिले आहेत. त्यामुळे या खटल्याच्या सुनावणीला आता अधिकृत आणि कायदेशीर गती मिळणार आहे.

https://prahaar.in/2026/05/22/the-fraudster-from-dombivli-is-finally-caught-by-the-police-how-the-fraud-racket-was-exposed/

दरम्यान, कालची सुनावणी ही प्राथमिक स्वरूपाची होती. दोषारोपपत्र दाखल झाल्यानंतर आवश्यक कायदेशीर प्रक्रिया, अर्ज आणि पुढील सुनावणीसंदर्भातील बाबींवर न्यायालयात चर्चा झाली. न्यायालयाने या प्रकरणाचे गांभीर्य लक्षात घेत पुढील सुनावणीची तारीख २८ मे निश्चित केली आहे. त्या दिवसापासून या प्रकरणाची नियमित सुनावणी सुरू होणार आहे.

https://prahaar.in/2026/05/22/fatal-accident-on-versova-juhu-link-road-speeding-bus-hits-several-cars/

पुणे ग्रामीण पोलिसांनी दाखल केलेल्या ११०० पानांच्या दोषारोपपत्रात तपासाशी संबंधित अनेक महत्त्वाचे पुरावे जोडण्यात आले आहेत. या आरोपपत्रामध्ये ५० हून अधिक साक्षीदारांचे जबाब नोंदवण्यात आले आहेत. तसेच वैद्यकीय पुरावे, घटनास्थळाचे ५० पेक्षा अधिक फोटो, काही महत्त्वाचे व्हिडिओ, न्यायवैद्यक प्रयोगशाळेचा अहवाल आणि विविध तांत्रिक पुरावेही जोडण्यात आले आहेत. आरोपी भीमराव कांबळे याच्याविरोधात पोलिसांनी तपासादरम्यान महत्त्वाची माहिती गोळा केल्याचा दावा केला आहे.

या प्रकरणात जलदगतीने तपास पूर्ण करून आरोपपत्र दाखल करण्यात आल्याने आता संपूर्ण जिल्ह्याचे लक्ष या खटल्याकडे लागले आहे. पीडितेला लवकरात लवकर न्याय मिळावा, अशी मागणी नागरिकांकडून करण्यात येत आहे.