फ्रान्स : सध्या जगभरात ७९ व्या कान्स फिल्म फेस्टिवलची जोरदार चर्चा सुरू आहे. दरवर्षीप्रमाणे यंदाही बॉलिवूड आणि हॉलीवुडमधील अनेक दिग्गज कलाकारांनी या प्रतिष्ठित सोहळ्यात हजेरी लावली. रेड कार्पेटवरील त्यांच्या स्टायलिश एन्ट्रीज, हटके फॅशन आणि ग्लॅमरस लूकची सर्वत्र चर्चा रंगली आहे. मात्र, या सगळ्या स्टार्समध्ये एका मराठमोळ्या अभिनेत्याने खास लक्ष वेधून घेतलं आहे.
https://prahaar.in/2026/05/13/cannes-film-festival-2026-aliya-bhatt-look/
मराठी मनोरंजनसृष्टीतील लोकप्रिय अभिनेता पुष्कर जोग (Pushkar Jog) याने यंदा कान्स फिल्म फेस्टिवलमध्ये उपस्थिती लावत मराठी इंडस्ट्रीचा झेंडा आंतरराष्ट्रीय पातळीवर फडकवला आहे. रेड कार्पेटवर काळ्या रंगाचा स्टायलिश सूट, डोळ्यांवर गॉगल आणि आत्मविश्वासपूर्ण अंदाजात पुष्कर जोग झळकला. त्याचा हा डॅशिंग आणि क्लासी लूक अनेक बॉलिवूड कलाकारांनाही टक्कर देणारा ठरला.
View this post on Instagram
कान्स फिल्म फेस्टिवलमधील त्याचा अनुभव पुष्करने सोशल मीडियाच्या माध्यमातून चाहत्यांसोबत शेअर केला आहे. त्याची ही पोस्ट सध्या सोशल मीडियावर प्रचंड व्हायरल होत असून चाहत्यांकडून त्याच्यावर कौतुकाचा वर्षाव केला जात आहे.
https://prahaar.in/2026/05/14/sharib-hashmi-wife-diagnos-six-times-cancer/
पुढे तो म्हणाला, “या जागतिक व्यासपीठावर माझ्या देशाचं, भारताचं आणि माझ्या महाराष्ट्राचं प्रतिनिधित्व करणं ही अत्यंत अभिमानाची आणि खास भावना होती. जय महाराष्ट्र!”
या खास क्षणाबद्दल कृतज्ञता व्यक्त करताना पुष्करने आपल्या कुटुंबाचाही उल्लेख केला. “मी या क्षणासाठी मनापासून देवाचे आणि माझ्या आई-वडिलांचे आभार मानतो. लव्ह यू फेलिशा… डॅडा फ्रान्स टीव्हीवर कान्स फेस्टिवलमध्ये लाईव्ह दिसला,” असं भावूक होत त्याने पोस्टमध्ये लिहिलं.
पुष्कर जोगच्या या लूकचं आणि त्याच्या यशाचं चाहते भरभरून कौतुक करत आहेत. एखादा मराठी अभिनेता आंतरराष्ट्रीय स्तरावर पोहोचून स्वतःची वेगळी ओळख निर्माण करतो, ही संपूर्ण मराठी मनोरंजनसृष्टीसाठी अभिमानाची बाब मानली जात आहे.