मुंबई : सेंट्रल रेल्वेच्या मुंबई विभागाकडून रविवार, १० मे २०२६ रोजी विविध अभियांत्रिकी आणि देखभाल दुरुस्तीची कामे हाती घेण्यात येणार आहेत. यासाठी मेन लाईनवर माटुंगा ते मुलुंड आणि ट्रान्स-हार्बर मार्गावर ठाणे ते वाशी/नेरुळ दरम्यान मेगा ब्लॉक घेण्यात येणार आहे. त्यामुळे अनेक लोकल गाड्यांच्या वेळापत्रकात बदल होणार असून काही सेवा रद्दही करण्यात आल्या आहेत.
मेन लाईनवर जलद मार्गावरील ब्लॉक :
https://prahaar.in/2026/05/08/drdo-news-indias-big-leap-in-the-field-of-defense-successful-test-of-indigenous-tara-glide-weapon-system-in-odisha/
त्याचप्रमाणे, ठाणे येथून सकाळी ११.०३ ते दुपारी ३.३८ दरम्यान सुटणाऱ्या अप जलद गाड्या मुलुंड येथे धीम्या मार्गावर वळवण्यात येतील. या गाड्या मुलुंड ते माटुंगा दरम्यान सर्व स्थानकांवर थांबून पुढे माटुंगा येथे पुन्हा जलद मार्गावर जातील. या सेवांनाही सुमारे १५ मिनिटांचा विलंब होणार आहे.
ट्रान्स-हार्बर मार्गावर अनेक सेवा रद्द :
ट्रान्स-हार्बर लाईनवर ठाणे आणि वाशी/नेरुळ स्थानकांदरम्यान सकाळी ११.१० ते दुपारी ४.१० वाजेपर्यंत ब्लॉक असेल. या कालावधीत ठाणे–वाशी/नेरुळ दरम्यानच्या अप आणि डाउन ट्रान्स-हार्बर सेवा पूर्णपणे रद्द राहतील. त्यामुळे या मार्गावरील नियमित प्रवाशांना मोठा फटका बसणार आहे.
ठाणे येथून सकाळी १०.३५ ते सायंकाळी ४.०७ दरम्यान वाशी, नेरुळ आणि पनवेलकडे जाणाऱ्या डाउन सेवा रद्द राहतील. तसेच पनवेल, नेरुळ आणि वाशी येथून सकाळी १०.२५ ते सायंकाळी ४.०९ दरम्यान ठाण्याकडे येणाऱ्या अप सेवा देखील रद्द करण्यात आल्या आहेत.
https://prahaar.in/2026/05/08/defamation-on-social-media-will-be-costly-state-government-forms-high-level-committee-to-amend-law/