मुंबई : गेल्या १५ वर्षांत घरगुती गॅस (LPG Gas) सिलेंडरच्या किंमतींमध्ये मोठी वाढ झाली असून त्या दुपटीहून अधिक झाल्या आहेत. आधीच महागाईचा भार सहन करणाऱ्या सर्वसामान्यांसाठी ही चिंतेची बाब ठरत आहे. गेल्या महिन्यात ६० रुपयांची वाढ झाल्यानंतर आता पुन्हा दरवाढ होण्याची शक्यता वर्तवली जात आहे.

१ मे रोजी व्यावसायिक गॅस सिलेंडरच्या दरात (LPG Gas Price Hike) तब्बल ९९३ रुपयांची वाढ करण्यात आली, ज्याचा थेट परिणाम हॉटेल आणि खानावळींच्या खर्चावर होण्याची शक्यता आहे. परिणामी, बाहेर जेवण महाग होण्याची शक्यता असून नोकरदार वर्ग आणि विद्यार्थ्यांच्या खर्चात वाढ होऊ शकते.

सूत्रांच्या माहितीनुसार, घरगुती एलपीजी सिलेंडरच्या दरात ४० ते ५० रुपयांची वाढ होऊ शकते. सध्या सिलेंडरचे दर आधीच १००० रुपयांच्या आसपास पोहोचले आहेत. अशा परिस्थितीत आणखी दरवाढ झाल्यास सर्वसामान्यांचे मासिक बजेट विस्कळीत होण्याची भीती व्यक्त केली जात आहे.

https://prahaar.in/2026/05/02/west-bengal-election-2026-evm-controversy-erupts-re-voting-begins-at-15-centers-in-bengal-allegations-of-covering-buttons-with-tape/

गॅस दरवाढीचा (LPG Gas Price Hike) सर्वाधिक फटका गृहिणींना बसण्याची शक्यता आहे. वाढत्या खर्चामुळे अनेक कुटुंबांना पर्यायी उपायांचा विचार करावा लागू शकतो. काही ठिकाणी पारंपरिक चुलीचा वापर पुन्हा वाढेल का, असा प्रश्नही उपस्थित होत आहे.

दरम्यान, जागतिक बाजारात कच्च्या तेलाच्या किंमतींमध्ये सातत्याने चढ-उतार होत आहेत. याचा परिणाम देशातील इंधन दरांवर होण्याची शक्यता आहे. आतापर्यंत सरकारने कर कमी करून महागाईचा ताण कमी करण्याचा प्रयत्न केला होता, मात्र जागतिक परिस्थितीमुळे भविष्यात पेट्रोल, डिझेल आणि गॅस दरवाढीची शक्यता नाकारता येत नाही.

https://prahaar.in/2026/05/02/ed-summons-pratibha-chakankar-big-action-in-kharat-case-ed-summons-pratibha-chakankar-in-depth-investigation-into-financial-transactions-begins/

जरी पेट्रोलियम मंत्रालयाने तातडीने दरवाढ (LPG Gas Price Hike) होणार नसल्याचे संकेत दिले असले, तरी व्यावसायिक गॅसनंतर घरगुती गॅसही महागण्याची शक्यता व्यक्त होत असल्याने नागरिकांमध्ये चिंतेचे वातावरण निर्माण झाले आहे.