रत्नागिरी : कोकण रेल्वेसंदर्भात पार पडलेल्या महत्त्वपूर्ण बैठकीत संगमेश्वर रेल्वे स्थानकासाठी दिलासादायक घडामोडी घडल्या आहेत. मार्गावरील पाच गाड्यांना संगमेश्वर येथे थांबा मिळण्याची शक्यता निर्माण झाली आहे.

https://prahaar.in/2026/04/27/pratap-sarnaik-marathi-is-mandatory-for-rickshaw-and-taxi-drivers-transport-ministers-firm-stand-what-happened-in-todays-meeting/

कोकण रेल्वेचे व्यवस्थापकीय संचालक संतोष कुमार झा यांनी स्थानिक मागण्यांबाबत सकारात्मक प्रयत्न करण्याचे आश्वासन दिले. पद्मश्री गजानन माने यांच्या पुढाकारातून ही बैठक आयोजित करण्यात आली होती. निसर्गरम्य चिपळूण व संगमेश्वर या फेसबुक ग्रुपचे प्रमुख संदेश जिमन यांनी ही बैठक घडवून आणली.बैठकीत संगमेश्वर रेल्वे स्थानकावर ९ साप्ताहिक गाड्यांच्या थांब्याची मागणी करण्यात आली. त्यापैकी ५ गाड्यांच्या थांब्यासंदर्भात सकारात्मक प्रस्ताव लवकरच रेल्वे बोर्डाकडे पाठवण्यात येणार असून, त्यावर अनुकूल निर्णय होण्याची अपेक्षा व्यक्त करण्यात आली.प्रवाशांच्या सोयीसाठी संगमेश्वर रेल्वे स्थानकावरील फलाट क्रमांक १ व २ वर डिजिटल कोच पोजिशन इंडिकेटर बसवण्याची मागणी मान्य करण्यात आली आहे. यामुळे गाड्यांमधील डब्यांची अचूक माहिती प्रवाशांना मिळणार आहे.याशिवाय, स्थानकावर दररोज तिकीट तपासणी सुरू करण्याचा निर्णय घेण्यात आला असून, त्यामुळे प्रवास अधिक सुरक्षित व शिस्तबद्ध होण्यास मदत होणार आहे.

https://prahaar.in/2026/04/27/pod-taxis-in-thane-and-borivali-pod-taxis-to-run-in-thane-and-mira-bhayandar-as-well-find-out-what-the-routes-will-be-like/

या बैठकीदरम्यान गंगाराम टोपरे, मुकुंद सनगरे यांच्यासह इतर मान्यवर उपस्थित होते. बैठकीत पद्मश्री गजानन माने यांनी कोकण रेल्वेचे चेअरमन संतोष झा यांच्याकडे दोन महत्त्वाचे विषय मांडले. कोकण रेल्वेचे शिल्पकार यांच्या नावाचा फलक स्थानकावर लावण्याची मागणी करण्यात आली, तसेच मांडवी एक्स्प्रेस ही गाडी रात्री सुमारे साडेआठ वाजता दिवा स्थानकावर पोहोचते. ती तेथे थांबवावी, अशी मागणी करण्यात आली.यापैकी कोकण रेल्वेच्या शिल्पकारांच्या नावाचा फलक लावण्यास तात्काळ मान्यता देण्यात आली आहे.