मुंबई : RCB ने वानखेडेच्या ऐतिहासिक मैदानावर दमदार खेळ करत Mumbai Indians ला १८ धावांनी पराभूत केले. या पराभवामुळे मुंबई इंडियन्सच्या नावावर सलग तिसरा पराभव नोंदवला गेला असून संघाची स्थिती पॉईंट टेबलमध्ये खालावली आहे. कर्णधार हार्दिक पंड्या Hardik Pandya याने नाणेफेक जिंकून प्रथम गोलंदाजीचा निर्णय घेतला, मात्र आरसीबीच्या फलंदाजांनी तो पूर्णपणे चुकीचा ठरवला.

आरसीबीकडून फील सॉल्ट (Phil Salt) आणि विराट कोहली (Virat Kohli) यांनी तुफानी सुरुवात केली. पॉवरप्लेमध्ये दोघांनी ७१ धावा केल्या आणि १० षटकांत ११५ धावांची भागीदारी उभारली. सॉल्टने ३६ चेंडूत ७८ धावांची आक्रमक खेळी करत मुंबईच्या गोलंदाजांची धुलाई केली. तर कोहलीने ३८ चेंडूत ५० धावा करत संयमी अर्धशतक झळकावले.

https://prahaar.in/2026/04/10/ipl-2026-points-table-rajasthan-royals-on-top-after-15-matches-these-4-teams-are-leading-the-playoff-race/

यानंतर कर्णधार रजत पाटीदारने मैदानात येताच चौकार-षटकारांची आतषबाजी केली. त्याने केवळ २० चेंडूत ५३ धावा करत डावाला वेग दिला. शेवटी टीम डेव्हिडने १६ चेंडूत नाबाद ३४ धावा करत आरसीबीला २४२ धावांपर्यंत पोहोचवले.

२४२ धावांच्या मोठ्या लक्ष्याचा पाठलाग करताना मुंबईची सुरुवात चांगली झाली. रोहित शर्मा (Rohit Sharma) आणि रयान रिकेल्टन यांनी संघाला गती दिली, मात्र रोहित दुखापतीमुळे रिटायर्ड हर्ट झाला. त्यानंतर सूर्यकुमार यादव (Suyash Sharma) याने सलग धक्के देत सामना आरसीबीकडे झुकवला.

सूर्या (३३), हार्दिक पांड्या (४०) यांनी प्रयत्न केले, पण आरसीबीच्या गोलंदाजीसमोर मुंबईचा डाव २२२ धावांवरच थांबला. त्यामुळे मुंबईला १८ धावांनी पराभव स्वीकारावा लागला.