Home साप्ताहिक अर्थविश्व Gold Rate Today : सोन्या-चांदीच्या दरात सलग आठव्या दिवशी घसरण, आठ दिवसांत सोनं 12,400 रुपयांनी स्वस्त, पाहा आजचे दर

Gold Rate Today : सोन्या-चांदीच्या दरात सलग आठव्या दिवशी घसरण, आठ दिवसांत सोनं 12,400 रुपयांनी स्वस्त, पाहा आजचे दर

0
Gold Rate Today : सोन्या-चांदीच्या दरात सलग आठव्या दिवशी घसरण, आठ दिवसांत सोनं 12,400  रुपयांनी स्वस्त, पाहा आजचे दर

Gold Rate Today : गेल्या काही दिवसांपासून सोन्या-चांदीच्या बाजारात घसरणीचे सत्र सुरूच आहे. एकीकडे सोन्याने काही महिन्यांपूर्वी विक्रमी उच्चांक गाठला होता, तर दुसरीकडे आता दर सातत्याने खाली येत आहेत. गेल्या आठ दिवसांत सोन्याच्या किमतीत तब्बल १२ हजार ४०० रुपयांची घट झाली आहे. २० नोव्हेंबर रोजीही सोन्याच्या दरात घसरण नोंदवण्यात आली असून, यामुळे ग्राहकांना दिलासा मिळण्याची शक्यता आहे.

सलग आठव्या दिवशी सोन्याचे दर घसरले

देशांतर्गत सराफा बाजारासह आंतरराष्ट्रीय बाजारातील घडामोडींचा परिणाम सोन्या-चांदीच्या किमतींवर होत आहे. मजबूत होत असलेला रुपया आणि अमेरिकेच्या फेडरल रिझर्व्हकडून व्याजदरांबाबत कठोर भूमिका घेतली जाण्याची शक्यता यामुळे सोन्याच्या दरावर दबाव निर्माण झाला आहे. १९ नोव्हेंबर रोजी दिल्लीच्या सराफा बाजारात २४ कॅरेट सोन्याचा दर १,३०० रुपयांनी घसरून १,३४,५०० रुपये प्रति १० ग्रॅमवर आला होता. त्यानंतर २० नोव्हेंबरच्या सकाळीही दरात आणखी घसरण झाली. सध्या दिल्लीत २४ कॅरेट सोन्याचा दर १,३०,८३० रुपये, तर २२ कॅरेट सोन्याचा दर १,१९,९४० रुपये प्रति १० ग्रॅम आहे.

https://www.prahaar.in/2026/11/20/anthropic-makes-a-splash-in-the-global-ai-market-its-ipo-breaks-spacexs-record-capturing-the-attention-of-investors/

मुंबई-पुण्यात आज सोन्याचे दर किती ?

मुंबई, पुणे, कोलकाता, चेन्नई आणि बेंगळुरू या शहरांमध्ये २० नोव्हेंबर रोजी २४ कॅरेट सोन्याचा भाव १,३०,६८० रुपये प्रति १० ग्रॅम नोंदवण्यात आला आहे. तर २२ कॅरेट सोन्याचा दर १,१९,७९० रुपये प्रति १० ग्रॅम इतका आहे. सोन्याच्या दरातील घसरणीबरोबरच चांदीच्या किमतीतही मोठी घट झाली आहे. २० नोव्हेंबरच्या सकाळी चांदीचा भाव १,७९,९०० रुपये प्रति किलोवर आला आहे. यापूर्वी दिल्लीच्या सराफा बाजारात चांदीच्या दरात २,५०० रुपयांची घसरण झाली होती. विशेष म्हणजे, याच वर्षी जानेवारी महिन्यात चांदीने प्रति किलो ४ लाख रुपयांचा उच्चांक गाठला होता. सध्या आंतरराष्ट्रीय बाजारात स्पॉट सिल्व्हरचा दर ४२.८६ डॉलर प्रति औंस, तर स्पॉट गोल्डचा दर ३,६१४.५९ डॉलर प्रति औंस आहे.

 पुढे सोन्याचे दर आणखी घसरणार ?

जागतिक बाजारातील परिस्थिती, अमेरिकेच्या फेडरल रिझर्व्हचे धोरण आणि चलन बाजारातील चढ-उतार यांचा परिणाम मौल्यवान धातूंच्या किमतींवर होत आहे. त्यामुळे आगामी काळात सोन्या-चांदीच्या दरांमध्ये आणखी चढ-उतार होण्याची शक्यता आहे. दरातील या घसरणीमुळे सोने खरेदीची वाट पाहणाऱ्या ग्राहकांचे लक्ष आता बाजारातील पुढील घडामोडींकडे लागले आहे.

टीप : वरील दर उपलब्ध माहितीनुसार आहेत. प्रत्यक्ष दागिने खरेदी करताना शहर, सराफा बाजार, जीएसटी आणि मेकिंग चार्जेसनुसार अंतिम किंमत बदलू शकते.

LEAVE A REPLY

Please enter your comment!
Please enter your name here