CAT 2026: व्यवस्थापन अभ्यासक्रमांना प्रवेश घेऊ इच्छिणाऱ्या उमेदवारांसाठी महत्त्वाची बातमी आहे. इंडियन इन्स्टिट्यूट ऑफ मॅनेजमेंट (IIM) इंदूरने CAT 2026 परीक्षेचे प्रवेशपत्र 6 नोव्हेंबर रोजी जारी केले आहे. उमेदवारांना अधिकृत वेबसाइट iimcat.ac.in वरून आपले हॉल तिकीट डाउनलोड करता येणार आहे. यंदाची परीक्षा 29 नोव्हेंबर 2026 रोजी देशभरातील 170 शहरांमध्ये आयोजित केली जाणार आहे.

https://www.prahaar.in/2026/11/06/travel-from-mumbai-to-konkan-in-just-70-minutes-bookings-open-for-the-navi-mumbai-sindhudurg-flight-service/

यूझर आयडी आणि पासवर्ड वापरून डाउनलोड करा प्रवेशपत्र

उमेदवारांना CAT च्या अधिकृत वेबसाइटवर जाऊन अर्ज क्रमांक म्हणजेच यूझर आयडी आणि पासवर्डच्या मदतीने प्रवेशपत्र डाउनलोड करता येईल. मूळ वेळापत्रकानुसार प्रवेशपत्र 4 नोव्हेंबरला जारी होणार होते. मात्र, त्यानंतर तारीख बदलून 6 नोव्हेंबर करण्यात आली.

काही उमेदवारांना डॅशबोर्डवर प्रवेशपत्र दिसण्यास विलंब होऊ शकतो. त्यामुळे उमेदवारांनी अधिकृत वेबसाइटवर वेळोवेळी तपासणी करावी.

29 नोव्हेंबरला तीन सत्रांत परीक्षा

CAT 2026 ची परीक्षा 29 नोव्हेंबर 2026 रोजी रविवारी संगणकावर आधारित पद्धतीने घेतली जाणार आहे. देशभरातील 170 शहरांमध्ये तीन सत्रांत परीक्षा होईल. प्रवेशपत्रावर उमेदवाराचे परीक्षा केंद्र, शहर, सत्र आणि रिपोर्टिंगची वेळ नमूद असेल.

प्रवेशपत्र केवळ ऑनलाइन उपलब्ध होणार असून, उमेदवारांना त्याची प्रत स्वतः डाउनलोड करून प्रिंट काढावी लागेल. परीक्षा केंद्रावर जाताना प्रवेशपत्र सोबत ठेवणे आवश्यक आहे.

अधिकृत मॉक टेस्टही उपलब्ध

परीक्षेची तयारी करणाऱ्या उमेदवारांसाठी आयआयएम इंदूरने अधिकृत मॉक टेस्ट उपलब्ध करून दिली आहे. यामुळे उमेदवारांना परीक्षेच्या स्वरूपाची आणि संगणकावर प्रश्न सोडवण्याच्या पद्धतीची ओळख करून घेता येईल.

प्रवेशपत्र डाउनलोड करताना त्यावरील सर्व माहिती काळजीपूर्वक तपासावी. नाव, फोटो, परीक्षा केंद्र किंवा इतर तपशीलांमध्ये काही चूक आढळल्यास अधिकृत CAT हेल्पडेस्कशी संपर्क साधावा.