Home नाशिक कुंभमेळा Nashik Kumbh Mela Dhwajarohan: नाशिकमध्ये सिंहस्थ कुंभपर्वाचा ऐतिहासिक प्रारंभ! राष्ट्रपती द्रौपदी मुर्मू यांच्या हस्ते ध्वजारोहण संपन्न

Nashik Kumbh Mela Dhwajarohan: नाशिकमध्ये सिंहस्थ कुंभपर्वाचा ऐतिहासिक प्रारंभ! राष्ट्रपती द्रौपदी मुर्मू यांच्या हस्ते ध्वजारोहण संपन्न

0
Nashik Kumbh Mela Dhwajarohan: नाशिकमध्ये सिंहस्थ कुंभपर्वाचा ऐतिहासिक प्रारंभ! राष्ट्रपती द्रौपदी मुर्मू यांच्या हस्ते ध्वजारोहण संपन्न

नाशिक कुंभमेळ्याच्या पार्श्वभूमीवर आज (३१ ऑक्टोबर) रामकुंड आणि कुशावर्त येथे ध्वजारोहण सोहळा पार पडणार आहे. रामकुंड येथे राष्ट्रपती द्रौपदी मुर्मू तर कुशावर्त येथे मुख्यमंत्री देवेंद्र फडणवीस यांच्या हस्ते ध्वजारोहण सोहळा पार पडणार आहे. दुपारी १२:०२ वाजता ‘महाध्वजारोहण’ संपन्न होईल. दरम्यान, राष्ट्रपती द्रौपदी मुर्मू या नाशिक येथील रामकुंडावर दाखल झाल्या असून धार्मिक विधींना सुरुवात झाली आहे.

राष्ट्रपती मुर्मू यांच्या उपस्थितीत यज्ञाला सुरुवात झाली असून या नंतर त्या गोदावरी पूजन करतील.
या शुभप्रसंगी उपमुख्यमंत्री एकनाथ शिंदे, उपमुख्यमंत्री सुनेत्रा पवार, कुंभमेळा मंत्री गिरीश महाजन यांच्यासह इतर मान्यवर उपस्थित आहेत.
पवित्र रामकुंडावर राष्ट्रपती द्रौपदी मुर्मू यांच्या हस्ते धर्मध्वज पूजन
गोदाघाटावर भक्तिमय वातावरण ! राष्ट्रपती द्रौपदी मुर्मू यांच्या हस्ते गोदावरी पूजन
रामकुंडावर राष्ट्रपती द्रौपदी मुर्मू यांच्या हस्ते मुख्य पूजाविधी सुरू
शनिवारी दुपारी १२ वाजून दोन मिनिटांनी राष्ट्रपती द्रौपदी मुर्मू यांच्या हस्ते नाशिकच्या पवित्र रामकुंड येथे ध्वजारोहण करण्यात आले. कुंभमेळ्याच्या इतिहासात प्रथमच एका महिला राष्ट्रपतींच्या हस्ते ध्वजारोहण झाल्याने हा सोहळा अधिक विशेष ठरला.
जय श्रीरामच्या जयघोषात आणि टाळ्यांच्या कडकडातात हा मंगल क्षण पार पडला. या सोहळ्याला राज्यपाल जिष्णू देव वर्मा, उपमुख्यमंत्री एकनाथ शिंदे, सुनेत्रा पवार, पालकमंत्री गिरीश महाजन, महापौर हिमगौरी आडके अहिरे तसेच १३ आखाड्यांचे महंत मोठ्या संख्येने उपस्थित होते.
राष्ट्रपतींच्या हस्ते गोदा आरती पार पडली.  या ऐतिहासिक क्षणाचे नाशिककर साक्षीदार झाले.
राष्ट्रपतींच्या हस्ते धर्मध्वज पूजन, गंगापूजन आणि ध्वजस्तंभाचे विधी पार पडले. ५१ फूट उंच, पंचधातूपासून तयार केलेला हा स्तंभ समुद्रमंथनातील १४ रत्ने आणि अमृत कलश धरणारे गरुडाचे प्रतीक दर्शवतो. मुख्य धर्मध्वज साडेपंधरा फूट लांब व साडेपाच फूट उंच आहे.
रामकुंड येथे झालेल्या धर्म ध्वजारोहणाचे विहंगम दृश्य ड्रोन कॅमेऱ्यात कैद

LEAVE A REPLY

Please enter your comment!
Please enter your name here