Delhi News: दिल्लीतील मंगोलपुरी औद्योगिक क्षेत्रात असलेल्या पादत्राणे बनवण्याच्या कारखान्याला शुक्रवारी रात्री भीषण आग लागली. या दुर्घटनेत आतापर्यंत 4 जणांचा मृत्यू झाला असून, अनेक जण जखमी झाले आहेत. जखमींना संजय गांधी मेमोरियल रुग्णालयात दाखल करण्यात आले आहे. घटनेची माहिती मिळताच अग्निशमन दल आणि पोलीस घटनास्थळी दाखल झाले. रात्री उशिरापर्यंत बचावकार्य सुरू होते. ( Delhi Fire)
https://www.prahaar.in/2026/10/30/bengaluru-mumbai-vande-bharat-sleeper-train-launch-ashwini-vaishnaw-flag-off-click-here-for-all-updates/
तळघरात लागली आग; धुरामुळे बचावकार्यात अडथळे
अग्निशमन अधिकाऱ्यांच्या माहितीनुसार, शुक्रवारी रात्री 9:30 वाजण्याच्या सुमारास कारखान्यात आग लागल्याची माहिती मिळाली. त्यानंतर अग्निशमन दलाच्या 20 गाड्या घटनास्थळी दाखल झाल्या. आग कारखान्याच्या तळघरात लागली होती. अग्निशमन दलाने तातडीने कारवाई करत आग नियंत्रणात आणली. मात्र, आगीचा धूर वरच्या चार मजल्यांपर्यंत पसरल्याने बचावकार्यात अडचणी निर्माण झाल्या.
पोलिसांच्या माहितीनुसार, बचाव पथकाने 6 जणांना बेशुद्ध अवस्थेत बाहेर काढले. तिसऱ्या आणि चौथ्या मजल्यावर अडकलेल्या लोकांनाही बाहेर काढण्यात आले. धुरामुळे अनेकांना श्वास घेण्यास त्रास झाला. सर्व जखमींना उपचारासाठी रुग्णालयात दाखल करण्यात आले असून, या दुर्घटनेत 4 जणांचा मृत्यू झाला आहे.
#दिल्ली : मंगोलपुरी इलाके में शुक्रवार देर रात कपड़ा फैक्ट्री में भीषण आग लग गई। दमकलकर्मियों ने फैक्ट्री के अंदर से छह लोगों को अचेत हालत में निकाला। आग बुझाने का काम जारी था। पुलिस ने आसपास की फैक्ट्रियों को भी खाली करा लिया है।
#Delhi #Mangolpuri #DelhiFire #FireIncident https://t.co/IjGD9jjzrd
— Journalist Ravendra kumar (@Chhotukingoffi1) October 30, 2026
कारखान्याच्या मालकाची चौकशी होणार
डीसीपी विक्रम सिंह यांनी दिलेल्या माहितीनुसार, आगीचे नेमके कारण अद्याप स्पष्ट झालेले नाही. कारखान्याच्या मालकाला घटनास्थळी बोलावण्यात आले असून, कंत्राटदार आणि कर्मचाऱ्यांची चौकशी केली जात आहे. आग लागली तेव्हा कारखान्यात नेमके किती कामगार उपस्थित होते, याची माहितीही गोळा केली जात आहे.
आग तळघरातून पसरल्याने धूर वरच्या मजल्यांपर्यंत पोहोचला आणि त्यामुळे अनेक जण बेशुद्ध पडल्याचे प्राथमिक माहितीतून समोर आले आहे. आगीवर नियंत्रण मिळवण्यात आले असले तरी कारखान्यात आणखी कोणी अडकले आहे का, याचा शोध घेण्यासाठी बचाव पथकाकडून तपासणी सुरू होती. आगीच्या कारणाचा शोध घेण्यासाठी पोलिसांकडून पुढील तपास केला जात आहे.