अभिनेता रणबीर कपूर आणि अभिनेत्री साई पल्लवी यांच्या रामायण चित्रपटाचे प्रमोशन जोरदार सुरु आहे. चित्रपटातील कलाकारांनी नुकतेच अमिताभ बच्चन यांच्या ‘कौन बनेगा करोडपती’ या कार्यक्रमात हजेरी लावली. या क्विझ शोच्या निर्मात्यांनी एक नवीन प्रमोशनल व्हिडिओ शेअर केला आहे, ज्यामध्ये रणबीर कपूर, साई पल्लवी आणि रवी दुबे हे सूत्रसंचालक अमिताभ बच्चन यांच्याशी संवाद साधताना दिसत आहेत. या क्लिपमध्ये रणबीर, रवी आणि साई शोमध्ये शानदार एंट्री करताना दिसत आहेत, जिथे ‘जय श्री राम’च्या जयघोषात डान्सर्स त्यांचे स्वागत करतात.

हॉटसीटवर बसण्यापूर्वी ते हात जोडून प्रेक्षकांना अभिवादन करतात. त्यानंतर रणबीर अमिताभ यांना विचारतो की, लहानपणी दिवाळी सर्जरी करण्याची तुमची काही विशेष आठवण आहे का?’ यावर अमिताभ बच्चन उत्तर देतात, ‘दिवाली की एक ही याद है, की अगर बगल वाले के यह बम फटा है, तो हमारा बम उससे झ्यादा तेज होना चाहिये’ अमिताभच्या कबुलीजबाबामुळे रणबीर खळखळून हसतो आणि टाळ्या वाजवतो. तर रवी दुबे आणि साई पल्लवीसुद्धा पोटभर हसतात.

https://www.prahaar.in/2026/10/25/all-indian-cine-workers-association-expresses-condemnation-over-the-insult-to-shilpa-rao-at-the-bollywood-music-project/

‘रामायण’ एक जबाबदारी

यापूर्वी, ‘रामायण’ चित्रपटाच्या निर्मात्यांनी पडद्यामागचा एक व्हिडिओ शेअर केला होता. या क्लिपमध्ये रणबीर प्रभू श्रीरामाची भूमिका साकारण्यापुढील आव्हानांवर भाष्य करतो आणि याला एक मोठी जबाबदारी असल्याचे सांगतो. रणबीर म्हणाला, “प्रभू श्रीरामांची सर्वात मोठी ताकद त्यांचे धनुष्य नाही, तर त्यांची ‘क्षमा’ (क्षमाशील स्वभाव) आहे – इतरांना माफ करण्याची त्यांची क्षमता. ही केवळ एक भूमिका नाही. असे नाही की मला एक चित्रपट ऑफर झाला आणि ती भूमिका खूप रोमांचक आहे; तर ही एक मोठी जबाबदारी आहे.”

तो पुढे म्हणाला, “सर्व काही प्रभू श्रीरामांची भूमिका साकारणाऱ्या व्यक्तीच्या श्रद्धा आणि साधेपणावर अवलंबून असते. मी दररोज स्वतःला आठवण करून दिली की, माझे काम केवळ या भूमिकेला साजेसे ठरणे इतकेच नव्हते, तर लोकांचा या कथेवर जो विश्वास आहे, त्या विश्वासाला पात्र ठरणे हे माझे खरे काम होते.” रणबीर म्हणाला, “प्रभू श्रीरामांची सर्वात मोठी ताकद त्यांचे धनुष्य नाही, तर त्यांची ‘क्षमा’ (क्षमाशील वृत्ती) आहे – इतरांना माफ करण्याची त्यांची क्षमता. ही केवळ एक भूमिका नाही. असे नाही की मला एक चित्रपट ऑफर झाला आणि ती भूमिका खूप रोमांचक आहे. ही एक जबाबदारी आहे.” तो पुढे म्हणाला, “सर्व काही प्रभू श्रीरामांची भूमिका साकारणाऱ्या व्यक्तीच्या श्रद्धा आणि साधेपणावर अवलंबून असते. मी दररोज स्वतःला आठवण करून देत होतो की, माझे काम केवळ या भूमिकेसाठी पात्र ठरणे हे नव्हते; तर लोकांचा या कथेवर जो विश्वास आहे, त्या विश्वासाला पात्र ठरणे हे माझे काम होते.”