मुंबई: ‘दिलवाले दुल्हनिया ले जायेंगे’ हा भारतीय चित्रपटसृष्टीच्या इतिहासातील खूप मोलाचा मानला जाणारा लोकप्रिय रोमँटिक चित्रपट आहे. 20 ऑक्टोबर 1995 रोजी रिलीज झालेल्या या चित्रपटाने बॉलिवूडमधील प्रेमाची व्याख्याच बदलून टाकली. या चित्रपटाचे लेखन आणि दिग्दर्शन आदित्य चोप्रा यांनी केले असून, त्यांच्या दिग्दर्शनाचा हा पहिलाच चित्रपट होता. निर्मिती त्यांचे वडील यश चोप्रा यांनी ‘यशराज फिल्म्स’च्या बॅनरखाली केली होती. चित्रपटात शाहरुख खान आणि काजोल यांची मुख्य भूमिका असून, अमरीश पुरी, फरीदा जलाल आणि अनुपम खेर यांसारख्या दिग्गज कलाकारांनी महत्त्वाच्या भूमिका साकारलया होत्या.(DDLJ)
या चित्रपटाची कथा लंडनमध्ये राहणाऱ्या शाहरुख खान (राज) आणि काजोल (सिमरन) या दोन भारतीय तरुणांभोवती फिरताना दिसते. ज्यांना युरोपच्या प्रवासादरम्यान एकमेकांशी प्रेम होते. सिमरनचे वडील तिचे लग्न भारतात ठरवतात, परंतु राज पळून जाण्याऐवजी भारतात येऊन पारंपरिक मूल्यांचा आदर करत तिच्या संपूर्ण कुटुंबाची मने जिंकण्याचा प्रयत्न करतो. चित्रपटातील जतिन-ललित यांचे संगीत आणि आनंद बक्षी यांनी लिहिलेली गाणी प्रचंड गाजली. “तुझे देखा तो ये जाना सनम” आणि “मेहंदी लगाके रखना” यांसारखी गाणी आजही लग्नसराईत आणि लोकांच्या ओठांवर ऐकायला मिळतात.(SHARUKH KHAN)
https://www.prahaar.in/2026/10/23/jailer-2-box-office-collection-rajinikanths-jailer-2-creates-a-buzz-worldwide-surpasses-drishyam-3-rakes-in-this-many-crores-in-just-7/
कमाई आणि यशाच्या बाबतीत या चित्रपटाने अनेक मोठे रेकॉर्ड प्रस्थापित केले आहेत. अवघ्या 4 कोटी रुपयांच्या बजेटमध्ये बनलेलया या चित्रपटाने जगभरात 102 कोटींहून अधिक रुपयांची कमाई करून नवा इतिहास रचला होता. या चित्रपटाने 10 फिल्मफेअर पुरस्कार आणि राष्ट्रीय चित्रपट पुरस्कार मिळवला आहे. आजच्या तारखेपर्यंतचा सर्वात मोठा विक्रम म्हणजे, हा चित्रपट भारतीय सिनेमाच्या इतिहासात सर्वात जास्त काळ चालणारा चित्रपट ठरला आहे, जो मुंबईच्या प्रसिद्ध ‘मराठा मंदिर’ थिएटरमध्ये 30 वर्षांपेक्षा जास्त काळ अविरतपणे रोज दाखवला जात आहे. “जा सिमरन जा, जी ले अपनी जिंदगी” सारखे आयकॉनिक डायलॉग्स आणि चित्रपटाची कथा आजही प्रत्येक पिढीच्या प्रेक्षकांना आकर्षित करत आहे. या चित्रपटाची क्रेज एवढी आहे की चाहते हा चित्रपट बघायला अजूनही जातात.
डीडीएलजेला ब्लॉकबस्टर बनवण्यासाठी अनेक घटक एकत्र आले . या चित्रपटाने एका सामान्य प्रेमकथेला भारतीय प्रेक्षकांना आकर्षित करेल अशा पद्धतीने सादर केले. पारंपरिक कौटुंबिक मूल्ये आणि स्वातंत्र्य व प्रेमाची इच्छा यांमधील चित्रपटाचा मुख्य संघर्ष प्रेक्षकांच्या मनाला भिडला. यश चोप्रा यांच्या अनेक निर्मितींप्रमाणेच, डीडीएलजेचे चित्रीकरण लंडन आणि स्वित्झर्लंडमधील निसर्गरम्य ठिकाणी झाले होते आणि बहरत्या प्रेमकथेला वेढणाऱ्या स्विस दृश्यांनी चित्रपटाचे आकर्षण वाढवले. शिवाय, चित्रपटातील नायक-नायिका अनिवासी भारतीय होते, ज्यामुळे परदेशस्थ भारतीय प्रेक्षकांची मने जिंकली गेली.(KAJOL)
View this post on Instagram
डीडीएलजेच्या चिरस्थायी लोकप्रियतेमुळे सर्व बॉलिवूड प्रेमकथांसाठी तो एक संदर्भबिंदू बनला आहे. चित्रपटातील अनेक घटक अजरामर आहेत, जसे की संगीताचा मुख्य भाग म्हणून वापरलेली मँडोलिनची धून आणि पंजाबच्या मोहरीच्या शेतातील राज आणि सिमरनची भावनिक मिठी. चित्रपटाच्या क्लायमॅक्समधील प्रसिद्ध ट्रेनचा सीन, ज्यात सिमरन प्लॅटफॉर्मवरून धावत राजकडे जाते आणि तो तिच्याकडे हात पुढे करतो. वारंवार केलया जाणाऱ्या संवादांमध्ये “बडे बडे देशों में ऐसी छोटी छोटी बातें होती रहती है” आणि “जा सिमरन जा जी ले अपनी जिंदगी” हे संवाद खूप लोकप्रिय झाले.